Bibliabaj̈uto ¿j̈amünej̈a depitsabaj̈uto?

BIBLIABAJ̈UTO JUMAITSI

“Pacuenia Espíritu Santo itorobatsi, bajarapacuenia Dioso pijajivi yaquina daxita Dioso Pejumelivaisibaxutonënexa” (2 Timoteo 3:16, Dios pejumelivaisibaxuto pejanalivaisibaxuto).

¿DEPAKUENIA NAKAYAWENONA BAJARAPALIWAISI?

Nakayapütaeyaej̈anaena j̈ua jiwi nayanijobabiaba (Proverbios 2:1-5).

Nakamatakaponaena j̈aniawaetsia kaematakabi kanakujitsia (Proverbios 6:23).

Ewetawanapaenatsi barüyaya, jamatejemayakuenia wajawajünaeyabelia (Romanos 15:4).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, akueyabi paliwaisibeje nakajumekowünütsiaej̈anaena:

• J̈aina kaeliwaisi. Peyakinaejawa Bibliabaj̈uto 1.600 pawaitabeje, yakina 40 ponübeje meta. Bajarapamonae aponayapütae ata namataenetsia, itsiata kaeliwaisi yakina, kaetoata itsaliwaisi aponawekuaj̈ainae.

• Bibliabaj̈uto peyakinaewi pej̈aniajaijume yakina. Perujuliwaisi pepaebiwi apotsipaebi pakujinae pijasalinaiwi barünabia itsiata apokueneamoneyabi. Biji rajane juya Dioso Pejumeliwaisi peyakinaewi apomatayatsi pijanekoni, apomatayatsinua j̈ua pijanakuapijiwi pibisiakuene ej̈anae ata (Números 20:2-12; Salmo 51:1-4).

• Pakuenia Bibliabaj̈utota tajüwelia nakayapütaeyaej̈ana najumekapanepaeyanajetaruka. 700 pawaibeje Mesías penaej̈anaewajünaeya, Bibliabaj̈uto nakayapütaeyaej̈ana pakuenia bajaraponü naej̈anaejitsia Belén tsikiritomarayota, Judea nakuata (Miqueas 5:2). Nej̈ata, ¿dejota naej̈ana Jesús? ¡Belén tomarata naej̈ana baja! (Mateo 2:1-6).

  Daj̈itakuene Bibliabaj̈utota tajüwelia nakayapütaeyaej̈ana, bajarapakuenia najumekapanepaeyanajetaruka daj̈itakuene baja. ¡J̈aniajai kajena, Dioso Pejumeliwaisibaj̈uto raja! (2 Pedro 1:21).