LIWAISI 23

Israelitawi najumekapanepaeya jumaitsi Jehovájawabelia

Anijajuametobejekujinae israelitawi pitsapa Egipto nakuawekua, pata Sinaí ibotsutoyenepanajawata, bajarapakanakujitsiajawata pijataj̈unaebonü ej̈ana pejinawanapaenej̈a bajarapaepatota. Jehová nej̈ata itoroba Moisésjawabelia pejunaenej̈a bajarapaibotsutojumabetsia, jumaitsi: “J̈anü kapanepajü israelitawi. Itsa bajarapamonae taitorobiliwaisi nejumekowünüta, nej̈ata pepo tajajiwi tsane”. Pakujinae Moisés runaika ibotsutojawawetsika, tsipaeba israelitawijawabelia j̈ua jumaitsi Jehová. ¿Dejumaitsi israelitawi? Bajarapamonae jumekanawiata: “Paitsinü tsane daj̈itaj̈ua Jehová paneitoroba”.

Moisés j̈uakujinae ikatsia junaya paibotsutojumajawabetsia. Bajarajota Jehová jumaitsi bajaraponüjawabelia: “Akueyabi pamatakabibejekujinae barükuaikuaijanü tsane tajajiwi. Jumaitsimüre bajarapamonae pejunaeyaniwa Sinaí ibotsutojumajawabetsia”. Nej̈ata Moisés perunaejawata jumaitsi israelitawijawabelia: “Panajamatabükuenej̈aniawaere j̈aniawaetsia panenamuj̈unaewetsinej̈a Jehová”.

Israelitawi tane yamaj̈üjawanü, piaitakiripajuboj̈aneto ruka Sinaí ibotsutojumajawata

Akueyabi matakabibejekujinae, israelitawi tane yamaj̈üjawanü, piaitakiripajuboj̈aneto ata ruka Sinaí ibotsutojumajawata. Nej̈ata jumetane ayaikuenia yamaj̈üburusi yajawa pinijijumekuenia ovejamataeto peobijawa. J̈uakujinae Jehová runaika ibotsutojumajawawetsika isototuatuajüjawatsika. Israelitawi bitso junawa. Daj̈ita pejumatsuto yawünüka petsüj̈ü yajawa najüaba bitso ayaikuenia bajarapatsuto. Ovejamataeto peobijawa bebeliayo ayaijumeta tsaponae. Nej̈ata Jehová jumaitsi: “J̈anü raja Jehovánü. Apobepayaiyataemü itsadiosowi j̈anüwekua”.

Moisés ikatsia junaya ibotsutojumabetsia, bajarajota Jehová rajuta pitorobiliwaisijawanü pijajiwinej̈a. Bajarapapitorobiliwaisijawata jumaitsi pakuenia beyaiyatane Jehová, pakuenia betojinawanapanua. Moisés yakina pitorobiliwaisianü, j̈uakujinae toleba israelitawijawabelia. Bajarapamonae najumekapanepaeya jumaitsi Jehovájawabelia: “Paj̈anü pajumekowünütsianajü daj̈itaj̈ua Jehová paneitoroba”. Nej̈ata bajarapamonae najumeliwaisirajuta Diosojawabelia, ¿itsiata meta najumekapanepaejitsipa j̈ua jumaitsi?

“Pasivamëre [...] panijaDioso daxita panejamatabëëthëtojavavetsina, daxita panejamatabëcueneta ata, daxita panenajamatabëxainaesaëta ata” (Mateo 22:37).