Sección 5 paliwaisianü kanaüjütsianatsi

Anijajuametobejekujinae nikaba Rojowünü manuamene, nej̈ata israelitawi pata Sinaíwünü ibotsutoj̈aneto muj̈unenejawata. Bajarajota Jehová najumerajuta israelitawijawabelia pepo pijajiwinej̈a. J̈aniawaetsia eweta, rajutanua daj̈itaj̈ua namatawenona: manájawa pej̈aenej̈a, apotoabejetsi kaeto ata pijaesetonü, itsajota j̈aniawaetsia pejinawanapaenej̈a yajawa. Itsa j̈amü j̈ainame nej̈i, kujarubare j̈ua yabara Jehová rajuta pitorobiliwaisi israelitawijawabelia, rajutanua tabernáculobo, sacerdotewi yajawa. Yapütaeyaej̈anarenua nej̈i j̈ua jumaitsi penajumekapanepaenej̈a, bejumekowünütanua Jehovájawabelia pakuenia yajawa beweliajamatabükuenewi benatane.