¿Dej̈ua beitsitsi Dioso wajanakasiwabarüyanej̈a wajatonakuenebijawata?

Pakuenia baja tanetsi Liwaisi 13, Dioso apotsitaj̈anepanaetsi daj̈itaiglesiamonae. Bajaraj̈uata yapütaenatsi j̈uajawanü beitsitsi Dioso wajajamatabükuenebarüyayaej̈anaenej̈a. ¿Depakuenia Dioso jitsipa wajatonakuenebinej̈a? (Santiago 1:27). Taenatsi j̈ua nakayapütaeyaej̈ana Bibliabaj̈uto.

1. ¿Dejota nakayapütaeyaej̈ana pakuenia Dioso jitsipa wajatonakuenebinej̈a?

Bibliabaj̈uto nakayapütaeyaej̈ana pakuenia Dioso betonakuenebatsi. “Nijumelivaisi cajena pexaniajailivaisi”, jai Jesús Diosojawabelia (Juan 17:17). Itsaiglesiamonae apojumekowünütsi j̈ua Bibliabaj̈uto rubena, biji rajane, jumekowünüta üjiwi pejamatabükujiruliwaisi (lebare Marcos 7:9). Jehová jitsipa wajajumekowünütsijawa pitorobiliwaisi. Bajaraj̈uata itsa jumekowünütatsi Pejumeliwaisibaj̈uto jamatabükuenebarüyayaej̈anaenatsi bajaraponü.

2. ¿Depakuenia betonakuenebatsi Jehová?

Kaenü Jehová beyaiyatanetsi tsipaji bajaraponü nakaej̈ana (Apocalipsis 4:11). Nej̈ata übajaraponü biasiwatsi, übajaraponü beyaiyatanetsinua. Pejumapekataenüanüjawabelia apobenawajükaetsi (lebare Isaías 42:8).

Wajajamatabükuenebarüyayaej̈anaenej̈a Dioso, j̈aniawaetsia betonakuenebatsi (Romanos 12:1). Bajaraj̈uata bejinawanapatsi pakuenia nakayapütaeyaej̈ana pitorobiliwaisianü Bibliabaj̈utota. Pamonae asiwa Jehová, nej̈ata jumekowünütawanapa pitorobiliwaisi penakojiobikuene yabara. Apotubi dopa, drogajawa ata, apojowibi tsema, yajawanua apoaitajibi, tsipaji bajaraj̈uanü pejamatabükuenebijianaeyaniwatsi.a

3. ¿Dej̈uajitsia betonajuanakuenebatsi Jehová?

Wajanajuanakaetuanaejawa Jehová pijajiwita kaesemana kanakujitsia, nakayawenona wajanaimoj̈oyotsinej̈a Jehovájawabelia congregaciónjawata (Salmo 111:​1, 2). Itsitsi bajaraj̈uanü itsa tonaj̈üanatsi Jehová (lebare Salmo 146:2). Jehová nakaitoroba wajanakaetuanaenej̈a tsipaji nakaasiwa. Wajanakaetuanaejawa nakayawenonaenanua wajajinawanapaenej̈a daj̈itamatakabijawabelia. Itsa nakaetuanatsi, namataenetsia najamatabükueneasaüyaej̈anatsi.

KANAÜJÜTSIANATSI

4. Abeje raja wajanawajükaejawa pejumapekataenüanüjawabelia

VIDEOJAWA: ¿Pejumapekataenüanü meta nakaimoj̈oyota Diosojawabelia? (3:​26)

• ¿Deitsi nej̈ata bajayatami Jehová pijajiwi penawajükaej̈ae pejumapekataenüanüjawabelia?

Itsamonae jamatabüjumai tsabiabi: “Itsa nawajükajü pejumapekataenüanüjawabelia, nej̈ata imoj̈oyotsianajü Dioso”, jamatabüjai. ¿Itsiata, nej̈ata pakuenia jumaitsi j̈aniajai? Palebare Éxodo 20:​4-6; Jueces 2:​12, panelebikujinae panabarükuaikuaijamü tsane paliwaisianü yabaraje:

• ¿Depapejumapekataejawanü kanawajükabiaba jiwimonae?

• ¿Detsitaitsitsi Jehová penawajükaejawa pejumapekataejawanüjawabelia?

• ¿Dekatsitaitsi jiwi penawajükaejawa pejumapekataejawanüjawabelia?

5. Itsa üJehová tonakuenebatsi, nej̈ata apojumekowünütsi tsanetsi penajumetsünütsiliwaisianü

VIDEOJAWA: Pej̈aniajailiwaisi nekapanepa (5:​16)

Palebare Salmo 91:​14, panelebikujinae panabarükuaikuaijamü tsane paliwaisi yabaraje:

• Itsa najamatabükueneitajütatsi Jehová wajaasiwajawa, wajatonakuenebijawanua übajaraponü, ¿dej̈ua nej̈ata itsi tsane bajaraponü waj̈aitsinej̈a?

6. Pej̈aniakuenejawanü toej̈anatsi Dioso congregaciónjawata

Itsa naj̈üanatsi, itsa tokuaikuaijaitsi congregaciónjawata jamatabükuenebarüyayaej̈anatsi Jehová, namataenetsia najamatabükueneasaüyaej̈anatsinua. Palebare Salmo 22:​22, panelebikujinae panabarükuaikuaijamü tsane paliwaisibeje yabaraje:

• ¿Dekatsitaitsi itsajiwiyo itsa natsipaeba congregaciónjawata?

• ¿Jamatabünajumepitame wajanakaetuanaejawata Dioso yabara?

7. Jehová tsitaj̈anepanatsi itsa yabarakuaikuaijaitsi bajaraponü yabara itsamonaejawabelia

Dioso Pejumeliwaisi tokuaikuaijai tsipaetsi teléfonojawa, cartajawa, Internet-jawa, kaebo kanakujitsia ata. Palebare Salmo 9:1; 34:​1, panelebikujinae panabarükuaikuaijamü tsane paliwaisi yabaraje:

• J̈ua yapütaneme Bibliabaj̈utota, ¿depaliwaisi jamatabütsipaebame itsamonaejawabelia?

PALIWAISI BAJA YAPÜTANETSI

Jamatabükuenebarüyayaej̈anaenatsi Wajanakaej̈anaenü itsa übajaraponü tonakuenebajinawanapatsi, itsa nakaetuanatsi congregaciónjawata, itsa tsipaebatsinua itsamonaejawabelia bajaraponü yabara.

Najamatabünapire

• ¿Dejota nakayapütaeyaej̈ana pakuenia Dioso jitsipa wajatonakuenebinej̈a?

• ¿Dej̈uajitsia üDioso betonakuenebajinawanapatsi?

• ¿Dej̈uajitsia betonajuanakuenebatsi Jehová?

YAPÜTAENAME ITSALIWAISI

Lebare itsawa peliwaisi yabara: “Apotatonakuenebiwa baja pejumapekataenüanü”.

“Dioso Pejumeliwaisi jamatabükuenej̈anetatsi” (Peyajiwitaebo, 1 de julio, 2011)

Yapütaema pakuenia natsipaebijitsipame penakaetuanaejawata Dioso yabara.

“Pej̈aniakuenejawanü toej̈anatsi Jehová congregaciónjawata” (Peyajiwitaebo, enero 2019)

Taema pakuenia pewüjüato yawenonatsi penakaetuanaejawa toayapübeje atatsi peponaejawabelia.

Jehová jamatabüenatsi j̈anünej̈a (3:​07)

Jiwimonae jumaitsi: “Cruz bekanawajüka cristianowi”, jai. ¿Itsiata meta waj̈aitsi bekanawajükatsi cruzjawa?

“¿Dej̈uajitsia Jehová petotsipaebaponaewi apokanawajükae cruzjawa?” (Ruka Internet-jawata jw.org)