IKATSIA BARÜKUAIKUAIJAMÜRE JIWIJAWABELIA
LIWAISI 7
Piajamatabükuenesaü tsawanapaejawa
Bibliabaj̈uto jumaitsi: “Nexata caematacabi canacujitsia [ . . . ], apóstolevi asaëya Jesús pelivaisi tsipaebapona jivijavabelia” (Hech. 5:42).
Pakuenia Pablo itsi
1. Taema VIDEOJAWA, itsajume lebare Hechos 19:8-10. Netaekujinae kanaüjüre paliwaisi yabaraje:
Itsamonae Pablo aponamuj̈unaewetatsi, itsiata bajaraponü apojamatabükuenefaefaenae ¿depakuenia yapütanetsi?
¿Depamatakabibeje Pablo najamatabükuenesaüta petsipaebinej̈a pamonae namuj̈unaewetatsi Dioso yabara?
¿Dej̈ua nakakujaruba j̈ua Pablo itsi?
2. Wajakujarubinej̈a Dioso Pejumeliwaisi itsamonaejawabelia, benajamatabükuenesaütatsi ikatsia wajasiwaj̈ainaenej̈a.
Kuenejüpare Pablo pijakuene
3. Besiwaj̈ainame pajiwiyo paepatota jitsipa nekujarubinej̈a. Benayanijobame: “¿Depakujinae bajarapajiwiyo jitsipa ikatsia tabarükuaikuaijainej̈a? ¿Dejota jitsipa penakujarubinej̈a?”. Najamatabükueneweretame nesiwaj̈ainaenej̈a bajarapajiwiyo, katoayapübeje ata.
4. Yanijobare pajiwiyo pamatakabi jitsipa ikatsia nebarükuaikuaijainej̈a. Pütsa poname bajarapajiwiyowekua apoyanijobinejewamü, pamatakabi, pahora ikatsia siwaj̈ainaejitsiamü. Najamatabükuenesaüre bajarapamatakabi ikatsia nesiwaj̈ainaenej̈a.
5. Pütsa jamatabükuenefaefaename. Itsa katsitaayapübeje nekaj̈itajarabinej̈a pajiwiyo, najamatabükuenesaüre ikatsia nesiwaj̈ainaenej̈a itsa matakabi belia kueneenaejitsipatsi (1 Cor. 13:4, 7). Itsiata kanaüjüre itsa bajarapajiwiyo jitsipa peyapütaenej̈a Dioso Pejumeliwaisi yabara (1 Cor. 9:26).