Jamatabükuenejamatejemaya

Pakuenia Jesús itsi

VIDEOJAWA: Jesús jamatabükueneeweta jamatejemaya pejuyapijinü peyawenonaenej̈a

1. Taema VIDEOJAWA, itsajume lebare Juan 7:​3-5 yajawa 1 Corintios 15:​3, 4, 7. Netaekujinae kanaüjüre paliwaisi yabaraje:

1. ¿Dejamatabükueneitsimi pejuyapijiwi Jesúsjawabelia?

2. Jesús aponakofünütsi Santiago, ¿depakuenia yapütanetsi?

¿Dej̈ua nakakujaruba j̈ua Jesús itsi?

2. Itsamonae bej̈uakujinae tsijamatabükuenepatatsi Dioso Pejumeliwaisi, bajaraj̈uata beewetatsi jamatabükuenejamatejemaya.

Kuenejüpare Jesús pijakuene

3. Saikayakuene itsimüre. Itsa abaj̈u pajiwiyo apojitsipae penakujarubijawa Bibliabaj̈uto, pütsa büjamü, asiwayakuenia kopare. Bajarapajiwiyo itsa jejai, tsitajüre videojawanü, itsaliwaisianü yajawa, j̈uakujinae yapütaeyaej̈anare pakuenia nakujarubijitsia Dioso Pejumeliwaisi.

4. Apobejüpaeyaej̈anaemü itsajiwiyojawabelia. Kaejiwi kanakujitsia aponajüpae penajamatabüj̈ainaejawa. Itsa nijamonaejiwiyo yajawa tsipae itsajiwiyo jumeaeba penakujarubinej̈a Dioso Pejumeliwaisi, nej̈ata nayanijobare: ¿Jumej̈aniatane abaj̈u pijasalinaiwikuene yabara? ¿Pamonae imoj̈oyo jinawanapa pijabota kapokaponatsi? Jamatabükueneewere bajarapajiwiyo pekanaüjütsinej̈a paliwaisi pakuaikuaijamübeje, nej̈ata bajaraj̈uakujinae itsa tsitaj̈anepanatsi bajarapajiwiyo j̈ua Bibliabaj̈uto jumaitsi, tsitanamatamotsianatsi.

5. Nawajükare Jehovájawabelia pajiwiyo yabara. Nawajükare Jehovájawabelia asiwayakuenia neyawenonaenej̈a bajarapajiwiyo. Bajarapijinia nawajükare Jehovájawabelia neyapütaenej̈a pakujinae bekopatame nesiwaj̈ainaejawa bajarapajiwiyo, itsa apojitsipae penakujarubijawa Dioso Pejumeliwaisi (1 Cor. 9:26).