IKATSIA BARÜKUAIKUAIJAMÜRE JIWIJAWABELIA
Marcos 6:30-34
LIWAISI 9
Jamatabükueneyapütaema
Bibliabaj̈uto jumaitsi: “Pamonae barëya petocopiapatsixaetsi pexaniacuene, paxamë ata pajamatabëcueneyavenonaeya barëyamëre. Pamonae pijinia nua petocopiapatsixaetsi apo pejitsipaecuene, [ . . . ] paxamë ata pajamatabëcueneyavenonaeyanuema” (Rom. 12:15).
Pakuenia Jesús itsi
1. Taema VIDEOJAWA, itsajume lebare Marcos 6:30-34. Netaekujinae kanaüjüre paliwaisi yabaraje:
¿Dej̈uajitsia Jesús pijaapóstolewi yajawa pona pesajinaejawabelia, penakueraewetsinej̈a kaeepatoyo?
¿Dej̈uajitsia Jesús jamatabükueneyawenona jiwibitsaütoj̈aneto petsipaebinej̈a Dioso Pejumeliwaisi?
¿Dej̈ua nakakujaruba j̈ua Jesús itsi?
2. Itsa itsajiwi jamatabükueneyapütanetsi, nej̈ata jitsipaenatsi wajajamatabükueneyawenonaenej̈a, j̈uakujinae tsipaebianatsi Dioso Pejumeliwaisi.
Kuenejüpare Jesús pijakuene
3. J̈aniawaetsiakuenia namuj̈unaewere. Jumetaema j̈uajawanü jumeaeba pajiwiyo, namuj̈unaewerenua paliwaisi jamatabüenatsi. Itsa j̈aniawaetsiakuenia namuj̈unaewetame bajarapajiwiyojawabelia, nej̈ata bajarapakuenia yapütaena pijaliwaisi katsitanamatamota.
4. Najamatabüj̈ainare pajiwiyo yabara. Najamatabünapire j̈ua panabarükuaikuaijamübeje yajawa nayanijobare:
“¿Dej̈uajitsia bajarapajiwiyo namatawenona peyapütaejawa pej̈aniajailiwaisi?”
“Itsa bajarapajiwiyo nakujarubijitsipa Dioso Pejumeliwaisi, ¿depakuenia jamatabükueneyawenonaejitsipatsi j̈aniawaetsiakuenia peponaponaenej̈a?”
5. Tsitajüre paliwaisianü jamatabükueneyawenonaenatsi pajiwiyo. Kaekuenia tsitajüre bajarapajiwiyo pakuenia penakujarubijawa Bibliabaj̈uto jumepitsianatsi daj̈ita j̈ua nayanijobabiaba, yajawa yawenonaenatsi j̈aniawaetsiakuenia peponaponaenej̈a.