Yapüj̈anepanaekuenia bekuaikuaijaitsi

Pakuenia Jesús itsi

VIDEOJAWA: Jesús kujaruba comparaciónkuenia pakuenia Jehová nakaewetabiaba

1. Taema VIDEOJAWA, itsajume lebare Mateo 6:​25-27. Netaekujinae kanaüjüre paliwaisi yabaraje:

1. ¿Depakuenia Jesús nakayapütaeyaej̈ana Jehová wajanakaewetsijawa?

2. Jesús yapütae ata daj̈itakuenejawanü baratsui yabara, ¿dej̈uajitsia nej̈ata kujaruba yapüj̈anepanaekuenia?, ¿dej̈uajitsia katsitaj̈anepana Jesús pekujarubikuene?

¿Dej̈ua nakakujaruba j̈ua Jesús itsi?

2. Itsa yapüj̈anepanaekuenia kujarubatsi jiwi, nej̈ata paliwaisi tsipaebatsi najamatabünapitsiana, tsijamatabüpatsianatsinua bajarapamonae.

Kuenejüpare Jesús pijakuene

3. Pütsa bitso kuaikuaijamü. Kaetoata daj̈itakuenejawanü, pütsa jumeyapütaeyaej̈aname penakujarubijiwiyo. Biji rajane, jumeyapütaeyaej̈anare üpaliwaisi pitsapa penakujarubibaj̈utojawata. Itsa yanijobame, ewere penakujarubijiwiyo pekajumepitsinej̈a. Itsiata itsa bajarapajiwiyo apoyapütae pejumekanawiatsijawa, itsa apojumepitsi pakuenia kujaruba Dioso Pejumeliwaisi, nej̈ata itsa peyanijobiliwaisijawanü ej̈anare pejumeyapütaenej̈a j̈aniawaetsiakuenia. Itsa penakujarubijiwiyo jumeyapütane baja, nej̈ata kujarubare itsaliwaisi.

4. Nekujarubinej̈a pejanaliwaisi pajiwiyo, jumaitsimüre j̈uajawanü baja yapütane. Itsa taj̈uj̈uabijitsiamü nekujarubinej̈a pakuenia petüpaewi ikatsia asaü tsane, nej̈ata najamatabünapitsiaej̈anare bajarapajiwiyo j̈ua yapütane baja petüpaejawa yabara.

5. Itapere pej̈aniacomparaciónkuenejawanü. Neitapetsiwajünaeya comparaciónkuene, nayanijobare:

1. a. “¿Bajarapacomparaciónkuene meta yapüj̈anepana?”

2. b. “¿Yapüj̈anepanaeya jumeyapütaena takujarubijiwiyo?”

3. d. “Penakujarubijiwiyo ¿najamatabünapitsiana paliwaisi nakujaruba, itsajume najamatabünapitsiana ücomparaciónkuene?”