APÉNDICE D
Pakuenia nekujarubinej̈a Dioso Pejumeliwaisi, “Barüyaya ponaponare daj̈itamatakabijawabelia” pejaibaj̈utota
Wajahermanowi pematakaponaewi nawajüka kanaüjütsiaya Jehovájawabelia paliwaisi perukaenej̈a Barüyaya ponaponare daj̈itamatakabijawabelia pejaibaj̈uto. Bajaraj̈uata j̈aniawaetsiakuenia bekanakuenebame pabaj̈utoje, itsimüre pakuenia nekujarubijawata Dioso Pejumeliwaisi.
Nekujarubiwajünaeya
1. J̈aniawaetsiakuenia nakujarubare. Najamatabüj̈ainare nekujarubijiwiyojawabelia j̈ua namatawenona paliwaisi pejumekowünütsinej̈a. ¿Dej̈ua toayapübejetsi pejumeyapütaenej̈a yajawa pejumekowünütsinej̈a? Kanaüjüre paliwaisijawanü, videojawanü j̈ua rubena secciónjawata “yapütaename itsaliwaisi”, kanaüjüre pakuenia nekujarubijiwiyo yawenonaejitsipatsi. Bajarapakuenia kanakuenebare nekujarubijawata bajarapajiwiyo.
Nekujarubijawata
Itsa jitsipa nekujarubijiwiyo, nej̈ata nawajüre netaj̈uj̈uabiwajünaeya yajawa neweretsijawata.
Pütsa bitso kuaikuaijamü, biji rajane kujarubare paliwaisi yapütaeyaej̈anaejitsiamü, namuj̈unaewere nekujarubijiwiyo j̈ua najamatabüj̈aina.
Netaj̈uj̈uabiwajünaeya itsa secciónjawata, lebare paliwaisijawanü rubena yajawa yapütaeyaej̈anare j̈uajawanü kujarubijitsiamü.
Neweretsijawata bajarapaliwaisi yapütaeyaej̈anare ikatsia nekujarubijiwiyo paliwaisi baja yapütane.
Nekujarubijiwiyo barükanaüjüre kaeliwaisi kanakujitsia peyapütaenej̈a:
a. Panajualebarebeje paliwaisijawanü rubena pekopiayajawata.
b. Palebarebeje daj̈ita paliwaisianü rubena “palebare” pejaijawata.
d. Itsa pakatsitaj̈anepana, palebare itsa Dioso Pejumeliwaisijawanü j̈uajawanü rubena bajarapaliwaisijawata.
e. Tsitajüre videojawanü, itsa jota jumaitsi “pataema videojawa” (tsitajüre itsa j̈ainame pijajumeta).
f. Yanijobare daj̈ita peyanijobiliwaisianü.
g. Panajuanakujarubarebeje papejumapejawanü rubena secciónjawata paliwaisijawata “kanaüjütsianatsi”.
h. Kanakuenebare recuadrojawa “pakuenia neitsinej̈aje” pejailiwaisi, petaenej̈a penakujarubijiwiyo pakuenia itsijitsia, jamatabükuenebarüyaej̈anare j̈uajawanü itsijitsia pejamatabükuenewitsabinej̈a Diosojawabelia.
i. Yanijobare nekujarubijiwiyo itsa tsitaj̈anepanatsi videojawa rubena secciónjawata “yapütaename itsaliwaisi”, pejaijawa penakujarubijawata bajarapaliwaisijawanü yabara.
j. Nekujarubijawata bajarapajiwiyo werere bajarapaliwaisijawa bajarapamatakabi.
Nekujarubikujinae
7. Siwanajamatabüj̈ainabiabare nekujarubijiwiyojawabelia, siwanawajüre Jehovájawabelia pakuenia kujarubijitsiamü jamatejema bajarapakuenia yawenonaename j̈aniawaetsiakuenia.