Pej̈aniajaikuenia petsipaebijawa

Pakuenia Jesús itsi

VIDEOJAWA: Jesús muj̈ujioba pematakaitorobinü palata pej̈ainaenü

1. Taema VIDEOJAWA, itsajume lebare Marcos 10:​17-22. Netaekujinae kanaüjüre paliwaisi yabaraje:

1. ¿Depapej̈aniakuenejawanü Jesús yapütane pematakaitorobinü yabara?

2. ¿Dej̈uajitsia Jesús tsitajüta pemuj̈ujiobijawata piasiwakuene pej̈aniajaikuenianua bajaraponüjawabelia?

¿Dej̈ua nakakujaruba j̈ua Jesús itsi?

2. Itsa jitsipatsi wajakujarubiwi penaimoj̈oyotsijawa Jehovájawabelia, bebarükuaikuaijaitsi asiwayakuenia pej̈aniajaikuenianua.

Kuenejüpare Jesús pijakuene

3. Yawenonare penakujarubijiwiyo petonakuenebinej̈a nasaütsiaya Jehovájawabelia.

1. a. Barünakujarubare penakujarubijiwiyo recuadrojawa “pakuenia neitsinej̈aje” pakuenia ruka “Barüyaya ponaponare” pejaibaj̈uto.

2. b. Jumeyapütaeyaej̈anare penakujarubijiwiyo j̈uajawanü kuenekaüjüpatsi petonakuenebinej̈a Jehovájawabelia aekonoj̈aeta, pewajünaeyabelia ata.

3. d. Barüyataema nekujarubijiwiyo pejamatabükuenewitsabij̈ae Jehovájawabelia.

4. Kanaüjüre j̈uajawanü toayapübejetsi nekujarubijiwiyo. Yawenonare pejamatabükuenewitsabinej̈a Jehovájawabelia.

1. Nayanijobare:

   • “Itsa takujarubijiwiyo apojamatabükuenewitsabi penabautisabinej̈a, ¿dej̈uajawanü toayapübejetsi pejumekowünütsinej̈a?”.

   • “¿Depakuenia beitsinü tayawenonaenej̈a bajarapajiwiyo?”.

2. Wajüre Jehovájawabelia pekayawenonaenej̈a netsipaebijawa pej̈aniajaikuenia asiwayakuenianua nekujarubijiwiyo, j̈ua namatawenona pejamatabükuenewitsabinej̈a Jehovájawabelia.

5. Kopare nekujarubijawa pajiwiyo, itsa apojitsipae pejamatabükuenewitsabinej̈a Jehovájawabelia.

1. Neyapütaenej̈a itsa bekopatame nekujarubijawa bajarapajiwiyo, benayanijobame paliwaisije:

   • “¿Bajarapajiwiyo itsi tsabiabi, j̈ua baja yapütane Dioso Pejumeliwaisi yabara?”.

   • “¿Nakaetuatabiaba Dioso pijajiwi yajawa, tsipaebanua Dioso Pejumeliwaisi itsamonaejawabelia?”.

   • “Bajayajebikujinae baja nakujaruba Dioso Pejumeliwaisi, ¿bajarapajiwiyo bitso jitsipa Jehová petotsipaebaponaejiwiyoyajuwünü tsane?”.

2. Itsa penakujarubijiwiyo abaj̈ü apojamatabükuenewitsabi Diosojawabelia, itsimüre pakueniaje:

   • Yapütaeyaej̈anare bajarapajiwiyo j̈uajawanü nawekuanatsatsiayaej̈anatsi Jehováwekua.

   • Yaiyataeyakuenia asiwayakuenianua yapütaeyaej̈anare bajarapajiwiyo, aposiwaj̈ainaemü tsane ikatsia nekujarubinej̈a Dioso Pejumeliwaisi.

   • J̈aniawaetsia jumaitsimüre paperüjamatabükuene yabara bekopaba bajarapajiwiyo, itsa ikatsia jitsipa nekujarubinej̈a Dioso Pejumeliwaisi itsamatakabi.