LIWAISI 37
Bibliabaj̈uto nakayapütaeyaej̈ana penakuenebijawa yabara, palata ata yabara
¿Itsajawata meta bitso kajamatabükueneenaejitsipa nenakuenebinej̈a, palata nej̈ainaenej̈a ata? Itsajawata, aponakatoyapüj̈anepanae Jehová wajatonakuenebinej̈a, wajanakuenebinej̈anua wajaj̈ainaenej̈a j̈ua namatawenonatsi. Dioso Pejumeliwaisibaj̈utojawata nakayapütaeyaej̈ana pakuenia itsijitsiatsi j̈aniawaetsiakuenia bajarapanajuakuenebeje.
1. ¿Dejumaitsi Dioso Pejumeliwaisi penakuenebijawa yabara?
Itsa nakuenebatsi, Dioso jitsipa wajajamatabükuenebarüyajawa. Bajaraj̈uata, Bibliabaj̈utojawata jumaitsi: “Jiwinej̈a kajena bitso j̈anepana [...] pejamatabükuenebarüyajawa itsa nakueneba” (Eclesiastés 2:24). Pinijikuenia Jehová nakueneba. Itsa kuenejüpatsi, wajanakuenebijawabelia nej̈ata itsitsi j̈ua bajaraponü tsitaj̈anepanatsi. Waj̈aitsi ata jamatabükuenebarüyatsi.
Itsa nakuenebatsi, bitso j̈anepana. Itsiata kaeto ata apobekopatsitsi Jehová wajatonakuenebinej̈a wajanakuenebijawa yabara (Juan 6:27). Dioso najumekapanepaeya nakajumaitsi itsa tonakuenebatsi, nej̈ata bajaraponü nakarajuta j̈ua namatawenonatsi.
2. ¿Bibliabaj̈utojawata dejumaitsi palata yabara?
Bibliabaj̈utojawata nakayapütaeyaej̈ana palata pej̈anepanaejawa itsakuenenej̈a. Itsiata bitso üpalata itsa j̈ainatsi, aponakajamatabükuenebarüyaej̈anae (Eclesiastés 7:12). Bajaraj̈uata Bibliajawata nakayapütaeyaej̈ana bitso üpalata wajajaitsiyaniwa, juya pakuenia nakayapütaeyaej̈anaje: “Pasivajamatabëcuenebarëyamëre saya xuayovajëto paxainame” (lebare Hebreos 13:5). Itsa siwajamatabükuenebarüyatsi j̈uayowajüto j̈ainatsi, nej̈ata aposiwajamatabükuenebüjaitsi bitso palata ayaikuenia wajaj̈ainaenej̈a. Nej̈ata palata apobekowaitsitsi itsakuenejawanü wajakomuakaenej̈a aponamatawenonae atatsi (Proverbios 22:7). Apobenamuj̈usitsitsinua rifakuene, chancekuene, loteríakuene bepijia wajaj̈ainaenej̈a palata.
3. ¿Debeitsitsi nej̈ata wajarajutsinej̈a wajanakakuenekaüjüpaekuenia palata?
Itsa rajutabiabatsi bitso penamatawenonaewi, itsamonaejawabelia itsa barünatsikobetsanatsi j̈ua j̈ainatsi Jehová kuenejüpatsi (Lucas 6:38). Nej̈ata palata itsa rajutatsi congregaciónjawata wajayawenonaenej̈a, bajarapakuenia pej̈aniakuenia palata kanakuenebatsi. Beyawenonatsinua itsamonae, Dioso pejumekowünütsiwi atanua. Jehová apotae j̈uawajüto rajutatsi, saya juya tsitaj̈anepanatsi pakuenia itsitsi. Itsa rajutatsi daj̈ita wajajamatabüütjütojawawerena, jamatabükuenebarüyayaej̈anatsi Jehová. Waj̈aitsi ata jamatabükuenebarüyatsi (lebare Hechos 20:35).
KANAÜJÜTSIANATSI
Yapütaenatsi penakuenebijawa yabara, yapütaenatsinua pakuenia bejamatabükuenebarüyatsi j̈uayowajüto j̈ainatsi.
4. Pej̈aniakuenia itsa nakuenebame, Jehová kasiwajamatabükuenebarüya
Jehová pijajiwij̈aetsi j̈aniawaetsia benajamatabüj̈ainatsi penakuenebijawa yabara. Pataema VIDEOJAWA, panetaekujinae panabarükuaikuaijamü tsane paliwaisibeje yabaraje:
¿Dekatsitaitsi j̈ua itsi Yeison penakuenebijawata?
¿Dej̈ua nej̈ata bitso Yeison tsitaj̈anepanatsi peitsinej̈a? ¿Deitsinua baja nej̈ata penatonakuenebinej̈a, Jehová petonakuenebinej̈anua?
Palebare Colosenses 3:23, 24, TNM, panelebikujinae panabarükuaikuaijamü tsane paliwaisi yabaraje:
¿Dej̈uajitsia jamatabükuenebarüyaya Jehová betonakuenebatsi?
J̈anepana wajanakuenebijawa, itsiata pepo j̈anepanae Jehová wajatonakuenebijawa.
5. Jamatabükuenebarüyatsi j̈uayowajüto j̈ainae atatsi
Jiwi bitso najamatabüj̈aina pinijipalata pej̈ainaenej̈a. Itsiata Dioso Pejumeliwaisi nakayapütaeyaej̈ana pej̈aniajailiwaisi. Palebare 1 Timoteo 6:6-8, panelebikujinae panabarükuaikuaijamü tsane paliwaisi yabaraje:
¿Depaliwaisi Bibliabaj̈utota nakayapütaeyaej̈ana?
Bejamatabükuenebarüyatsi daj̈itakuenejawanü apoj̈ainae atatsi. Pataema VIDEOJAWA, panetaekujinae panabarükuaikuaijamü tsane paliwaisi yabaraje:
¿Dej̈uajitsia pamonae videojawata tanetsi barüyaya jinawanapa palata apoj̈ainae ata?
J̈ainae atatsi itsa abaj̈ü jitsipatsi matatoj̈enetsia daj̈itakuenejawanü wajaj̈ainaenej̈a, ¿deitsi tsipaetsi? Jesús comparaciónkuenia yapütaeyaej̈ana bajaraj̈ua apopej̈anepanaekuene. Palebare Lucas 12:15-21, panelebikujinae panabarükuaikuaijamü tsane paliwaisi yabaraje:
¿Dejüa nej̈ata kayaputaeyaej̈ana pacomparación Jesús tsipaeba? (Pataema tsikiriitanetoyo 15).
Kanaüjütsiaya palebare Proverbios 10:22; 1 Timoteo 6:10. Panelebikujinae panabarükuaikuaijamü tsane paliwaisi yabaraje:
¿Dej̈ua meta nej̈ata bitso j̈anepana: Jehová wajanaimoj̈oyotsijawa, itsa jume meta, bitso ayaipalata wajaj̈ainaejawa?
¿Dej̈uajitsia nej̈ata apoj̈anepanae palata wajasiwajamatabükuenebarüyajawa?
6. Jehová nakarajutsiana j̈ua namatawenonatsi
Wajanakuenebijawata bitso ayailiwaisi itsa j̈ainatsi, pakujinae ata palata nakatoajibi, nej̈ata bajarapakuenia yapütaenatsi wajajumej̈aniataekuene Jehová. Pataema VIDEOJAWA paneyapütaenej̈a pakuenia paitsimüjitsia ayailiwaisi itsa paj̈ainame. Bajaraj̈uakujinae panabarükuaikuaijamü tsane paliwaisibeje yabaraje:
Pakuenia videojawata tanetsi, ¿wajamonaenü nej̈ata depapibisialiwaisianü j̈aina?
¿Deitsi nej̈ata bajarapapibisialiwaisianü peyasipitsapaenej̈a?
Palebare Mateo 6:25-34, panelebikujinae panabarükuaikuaijamü tsane paliwaisi yabaraje:
¿Dej̈ua nej̈ata Jehová najumekapanepaeya jumaitsi petonakuenebiwitsi?
ITSAMONAE BAJUMAITSI: “Nakuenebajü tarajutsinej̈a tajawa, taj̈i yajawa, bajaraj̈uata nej̈ata aponekuenekaüjüpae taponaejawa tanakaetuatsinej̈a daj̈itasemana”, jai.
¿Depaliwaisi nej̈ata Bibliabaj̈utota kayapütaeyaej̈ana netonakuenebinej̈a Jehová pepo j̈anepanae daj̈itakuenewekua?
PALIWAISI BAJA YAPÜTANETSI
Namatawenonatsi palata, bajaraj̈uata nakuenebatsi, itsiata kajena bitso pepo j̈anepanae Jehová wajatonakuenebijawa.
Najamatabünapire
¿Dej̈ua kayawenonaena nenajamatabüj̈ainaejawa nenakuenebijawa yabara Jehovákuenia?
¿Dej̈uajitsia besiwajamatabükuenebarüyatsi j̈uayowajüto j̈ainatsi?
Jehová najumekapanepaeya jumaitsi perajutsinej̈a pamonae tonakuenebatsi, ¿deitsimü tsipae nej̈ata Jehovájawabelia itsa jumej̈aniataneme?
YAPÜTAENAME ITSALIWAISI
Kanaüjüre pakuenia jumaitsi Bibliabaj̈utojawata palata yabara.
“¿Pibisiakuene meta nakatsiyajopa palata pejamatabükueneta?” (Ruka Internet-jawata jw.org)
Yapütaema j̈ua yabara barüyaej̈anatsi Jehová itsamonaejawabelia itsa barünatsikobetsanatsi.
¿Abeje meta itsa namuj̈usitatsi palata wajaj̈ainaenej̈a?
Lebare neyapütaenej̈a pakuenia itsanü banamuj̈usitabiaba, banakobetoj̈otabiaba palata pej̈ainaenej̈a. ¿Deitsi nej̈ata?
“Caballo bitso pekujinaejinaejawa banetsitaj̈anepanabiaba” (Peyajiwitaebo, 1 de noviembre, 2011)