PORTADA LIWAISIJAWA | ¿DEJ̈UAJITSIA BIASAÜMÜ?
1 Pibisiakuene meta j̈anebijitsipa
“Nexata panetocopiapatabiabi ata itsacuene patanetoyapëbejecuene, itsiata Dioso paneyavenonabiaba patavecuapanepaenexa bajarapacuene” (2 CORINTIOS 4:8).
Itsamonae baja jumaitsi itsa pina nabeyaj̈uabatsi nej̈ata baja nakatokopiarukaena paliwaisijawanü natsij̈ainatsi. Itsiata baitsi jane, piayapübejekuenejawanü ata jemata ikatsia pej̈aniakuene tokopiapatsipatsi. (Taema parecuadro “Jemata tokopiapatatsi liwaisijawanü”).
Itsiata, ¿itsa liwaisijawanü apoj̈anebijitsia? Itsimüre kaematakabi kanakujitsia j̈ua kakuenekaüjüpa. Jesús muj̈ujioba: “Itsa baja pajamatabëcuenebëjamë ajena pitsijavata itsacuenejavayo yabara, pëtsa caecuenia payajavajamatabëcuenebëjamë xua yabara meravia pitsijavata pacatocopiapatsijitsia. Tsipaji xua caematacabi canacujitsia nacatocopiapatabiaba vajajamatabëcuenebëjainexa, ayaijava baja tsabiabi. Bajaraxuata ajena pitsijavata apo besivajamatabëcuenebëjaitsi xua meravia pitsijavata nacatocopiapatsijitsia, jai Jesús pijajivijavabelia” (Mateo 6:34).
Piayaidomae meta j̈amü j̈ainame, itsa nacasabame meta panaj̈uabamübeje, nijamonaejiwiyo katotüpa meta, pibisialiwaisi meta katokopiapata ata. ¿Dej̈ua nej̈ata kajamatabükueneyawenonaejitsipa?
Itsaliwaisijawanü meta apoj̈anebijitsia. Itsiata baitsi jane beitsimü j̈uajawanü kakuenekaüjüpa pakuenia benajamatabükuenebabatanajetarukame itsa katokopiapata liwaisijawanü (Proverbios 15:15). Nej̈ata, bajarapakuenia yapütaename dej̈ua beitsimü aponenajamatabüj̈ainaenej̈a ünenabeyaj̈uabijawata. Nej̈ata pekatsitaayapübejejawami j̈uakujinae katsitayapüj̈anepanaena (Job 2:10).
NAJAMATABÜNAPIRE: Itsa paliwaisi j̈ainame katsitaayapübeje bitso nej̈ata beaj̈ayokuenia j̈anebanajetarukare. Comparaciónkuenia, bajaraj̈ua bewajajünae cerrojumatsutojawabetsia, bajarapakuenia beaj̈ayokuenia junanajetarukatsi.
J̈UA BEITSIMÜ: Barükuaikuaijamüre nijamonaejiwiyo yajawa nijaamigonü nijaliwaisi yabara. Bajarapamonae j̈aniawaetsia kamuj̈ujiobiana (Proverbios 11:14).