1. Najamatabükuenewereta penaj̈uabiyaniwabeje

¿DEJ̈UA BEYAPÜTANETSI BAJARAPALIWAISI YABARA?

Penakojiobiwi benajamatabükueneweretabeje penaj̈uabiyaniwabeje, bajaraj̈uata jamatejemaya ponaponaenabeje. Pibisiakuene tokopiapatsi atatsibeje, itsiata kaeto ata apojitsipaebeje penaj̈uabinej̈abeje.

Penakojiobiyajuwünüwi aponaj̈uabi pebarüyayaej̈anaenej̈a pijamonae, peyapütaewi ata. Itsiata penakojiobiwi benajuajinawanapa penasiwaj̈ae, penayaiyataej̈ae.

BIBLIABAJ̈UTO JUMAITSI: “Pebi apo bexuabi pijava” (1 Corintios 7:11).

Miqueas jumaitsi: “Itsa najamatabükueneweretame bekaejiwimü panenajuaponaponaenej̈abeje, nej̈ata bepijia apoanaepanaemü. Biji rajane, nabarajamatabükuenej̈anepanaeya ponaponaename, piayapübejeliwaisi katsipatsi ata yasipitsapanajetarukaename aponaj̈uabinejewamü”, bajaraponü jai.

¿DEJ̈UAJITSIA META PENAMATAMOTSILIWAISI?

Itsa penakojiobiwi aponajamatabükueneweretsi penaj̈uabiyaniwabeje, nej̈ata pakujinae itsa tokopiapatatsi piayapübejeliwaisi, kaeliwaisi apopej̈ainaej̈aebeje bepijiakuenia najamatabüj̈aina penaj̈uabinej̈abeje.

Jhona jumaitsi: “Pamonae najamatabüj̈aina penaj̈uabinej̈abeje penapitsikujinaebeje, tsitaamatamobitsi penakojiobijawa”, bajaraponü jai.

¿DEBEITSIMÜ TSIPAE?

NAKUENEKANAÜJÜRE

Itsa panabijatanemebeje, ¿deitsimü nej̈ata?

• ¿Najamatabüj̈ainame meta nenawekuatsatsinej̈a?

• ¿Najamatabüj̈ainame pakuenia tsipae itsa nakojiobame itsajiwiyota?

• ¿J̈amü meta bajumaitsimü, “kaj̈uabianatsi”, “itsajiwiyo jaitsianajü”?

Itsa ‘jãjã’ jamü bajarapapeyanijobiliwaisianü yabara, aekonoj̈aeta benajamatabükueneweretame nenajuaponaponaenej̈abeje bekaejiwiyo nijawabeje, itsa jume, amonabeje.

PEBI, PIJAWA PENABARÜKUAIKUAIJAINEJ̈ABEJE

• ¿Dej̈ua meta nakatosajina wajanajamatabükueneweretsinej̈a bekaejiwi wajanajuaponaponaenej̈abeje?

• ¿Dej̈ua beitsitsibeje meta wajanajuaponaponaenej̈abeje j̈aniawaetsia?

TAEMA PEMUJ̈UJIOBILIWAISIANÜ

• Itsajawata toyakinabiabare niasiwaliwaisikuene.

• Jota itsanakuenebekame j̈ainabiabare nijawa pejumape, itsa jume, amona pejumape.

• Itsa wekuaponame tajüwelia nenakuenebinej̈a, daj̈itamatakabi bejunatame teléfonojawata.

BIBLIABAJ̈UTO JUMAITSI: “Nexata Dioso apo tae beanijajivibeje. Becaejivi saya tane Dioso. Bajaraxuata itsanë ata apo bexuabi pijava” (Mateo 19:6).