PELIWEISI 14

¿Dej̈ua beitsimü nejumekowünütsinej̈a Jehová?

Najamatabükuenewerere nejumekowünütsinej̈a Dioso (1 Pedro 5:6-9).

Cristianonü nawekuatsata jema ikelesiajawanü, políticakuene ata

Benajamatabükuenesaütame nekopatsinej̈a paperujukuenejawanü j̈ua Dioso Pejumeliwaisi apokujarubi.

Pütsa yawenoname políticakuenejawalia. Beyawenoname saya Jehová, Pematakaitorobijawa ata.

Bitso pej̈aniakuene itsa namuj̈unaewetame Dioso (Mateo 7:24, 25).

Jiwitonü pata Jehová petotsipaebaponaewi penakaetuatsibo, nakujaruba Dioso Pejumeliwasi Jehová pijajiwitonü yajawa

Naponabiabare Jehová petotsipaebaponaewijawabelia pekayawenonaenej̈a j̈aniawaetsia neyapütaenej̈a Dioso.

Yapütaenajetarukare Dioso yabara, jumekowünürenua pitorobiliwaisi.

Jiwitonü najumekapanepaeya jumaitsi Jehovájawabelia penawajütsijawata pejumekowünütsinej̈a daj̈itamatakabijawabelianej̈a, j̈uakujinae nabautisaba baja

Pakujinae baja najamatabükuenekopatsianame Jehovájawabelia, najumekapanepaeya jumaitsimü tsane, nejumekowünütsinej̈a daj̈itamatakabijawabelianej̈a. Nej̈ata nabautisabianame baja (Mateo 28:19).

Dioso namuj̈unaewere. Lebare Bibliabaj̈uto. Wajüre Jehová petotsipaebaponaewijawabelia pekayawenonaenej̈a nejumeyapütaenej̈a j̈aniawaetsia. Itsa jumekowünütame Dioso, nej̈ata daj̈itamatakabijawabelianej̈a ponaponaename (Salmo 37:29).