¿Debeitsitsi wajajamatabükuenejüpaenej̈a üDioso Pematakaitorobikuene?

Jesús kujaruba pijajiwijawabelia apopejamatabükuenejüpaenej̈a Dioso apopejumekowünütsiwi (Juan 15:19). Bajaraj̈ua yabarajumaitsi apobejamatabükuenejüpaetsi itsajiwiyo Diosowekua, nej̈ata apobeyawenonaetsi políticakuene, penabejawabelia ata apobeponaetsi, j̈ania bewekuajinawanapatsi daj̈ita bajarapakuene. Itsamonae nakaataejitsibi bajaraj̈ua yabara. Bajaraj̈uata itsajawata aponakatoyapüj̈anepanae. ¿Dej̈uajitsia üDioso Pematakaitorobijawa bejumekowünütatsi?

1. ¿Pepo pacristianowinü depanetsitaitsi jiwi pematakaitorobikuene yabara?

Pacristianowinü payaiyataniji jiwi pematakaitorobiwi. Jesús jumaitsi: “Parajutabiabianame Romanonacua pepo pevetsinë pijajava” (Marcos 12:17). Bajaraj̈uata nej̈ata, j̈ua jiwi pematakaitorobiwi paneitoroba pajumekowünütabiabajü, pakuenia patamatamotsinej̈a impuestojawanü. Bibliabaj̈uto yapütaeyaej̈ana pakuenia jiwi namatakaitoroba tsipaji Jehová tokopatatsi (Romanos 13:1). Itsiata payapütaniji jiwi pematakaitorobiwi apomatakaitorobi daj̈itakuene, tsipaji üDioso pepo Pematakaitorobinü matatoj̈enetsia. Payapütanijinua Dioso Pematakaitorobijawata ajibiaej̈anaena daj̈itapibisiakuenejawanü.

2. ¿Dej̈ua beitsitsi wajajamatabükuenejüpaenej̈a üDioso Pematakaitorobijawa?

Jesúskuenia apobeyawenonaetsi políticakuene. Bajayata pakujinae pikani itsamonae itapetsijitsiatsi Jesús pematakaitorobinej̈a pinijikuenejawanü petsitajütsij̈ae, itsiata Jesús apojejai (Juan 6:15). ¿Dej̈uajitsia? Tsipaji bajaraponü jumaitsi: “Xanë raja mapanacua apo taevetsinëje” (Juan 18:36). ¿Depakuenia jamatabükuenejüpatsi üDioso Pematakaitorobikuene? Pakuenia itsa aponaponaetsi penabejawabelia (lebare Miqueas 4:3). Yaiyatae atatsi símbolo patriojawanü, pakuenia banderajawa, itsiata apobekanaj̈üanaetsi, tsipaji bajaraj̈ua najüpabeje pamonae nawajükabiaba pejumapekataewijawabelia (1 Juan 5:21). Apoyawenonae atatsi políticakuene, apobarakuaikuaijaitsinua políticomonae. Bajarapakuenia najamatabükueneitajübatsi üDioso Pematakaitorobikuene wajajumekowünütsijawa.

KANAÜJÜTSIANATSI

3. Pepo pacristianowinü üpajamatabükuenejüpajü Dioso Pematakaitorobikuene

Jesús pijajiwi yajawa pekuene nakayapütaeyaej̈ana. Palebare Romanos 13:1, 5-7; 1 Pedro 2:13, 14. Panelebikujinae pataema VIDEOJAWA, j̈uakujinae panabarükuaikuaijamü tsane paliwaisibeje yabaraje:

VIDEOJAWA: Pepo cristianowi jamatabükuenejüpa üDioso Pematakaitorobijawa (kopiayaliwaisi) (4:28)

• ¿Dej̈uajitsia beyaiyatanetsi pematakaitorobiwi?

• ¿Depakuenia najamatabükueneitajütatsi wajayaiyataejawa bajarapamonaejawabelia?

Penabematakabianüta itsanakuapijiwi apotsitaj̈anepanae atatsi bajarapapenabekuene, itsiata jamatabükueneyawenona penabewi. ¿Debeitsi pepo cristianowi peyawenonaeyaniwa penabewi? Palebare Juan 17:16. Panelebikujinae pataema VIDEOJAWA, j̈uakujinae panabarükuaikuaijamü tsane paliwaisi yabaraje:

VIDEOJAWA: Pepo cristianowi jamatabükuenejüpa üDioso Pematakaitorobijawa (itsaliwaisi) (3:11)

• ¿Depakuenia najamatabükueneitajütatsi wajajumekowünütsijawa üDioso Pematakaitorobikuene?

Itsajawata jiwi pematakaitorobiwi nakaitoroba wajaitsinej̈a j̈ua Dioso tsitaabejetsi. ¿Dej̈ua nej̈ata beitsitsi? Palebare Hechos 5:28, 29. Panelebikujinae pataema VIDEOJAWA, j̈uakujinae panabarükuaikuaijamü tsane paliwaisibeje yabaraje:

VIDEOJAWA: Pepo cristianowi jamatabükuenejüpa üDioso Pematakaitorobijawa (pekotokaewiliwaisi) (1:18)

• Itsa jiwi penamatakaitorobikuene aponajüpaebeje Dioso penamatakaitorobikuene yajawa, ¿depaliwaisi nej̈ata bejumekowünütatsi?

• ¿Depakujinae apobejumekowünütsitsi jiwi pematakaitorobikuene?

4. J̈ua kanaüjütabiabatsi, j̈ua ata itsi tsabiabitsi

Palebare 1 Juan 5:21. Panelebikujinae pataema VIDEOJAWA, j̈uakujinae panabarükuaikuaijamü tsane paliwaisibeje yabaraje:

VIDEOJAWA: ¿Dej̈uajitsia bepanajamatabükuenesaütajü pepo pacristianowinü patajumekowünütsinej̈a üDioso Pematakaitorobikuene? (2:49)

• ¿Dej̈uajitsia Ayengewününü najamatabükuenewereta peyawenonaeyaniwa políticakuene, pebajakobiyaniwanua banderajawa?

• ¿Bajaraponü meta j̈aniawaetsiakuenia najamatabükuenewereta?

¿Depakujinae meta nakatsitaayapübeje tsipae wajajumekowünütsinej̈a üDioso Pematakaitorobikuene? Pataema VIDEOJAWA, panetaekujinae panabarükuaikuaijamü tsane paliwaisianü yabaraje:

VIDEOJAWA: Peyajiwitaebobaj̈uto yabara liwaisi: Jiwi kaeliwaisi aponajuaj̈ainae ata, paj̈anü juya pajumekowünütajü üDioso (5:16)

• ¿Depakuenia najamatabükueneitajütatsi apowajayawenonaejawa itsa nakuanüjawa itsa namuj̈usita?

• Itsajawata j̈ua políticowi itsi nakayawenona, itsajawata nakanabejiobiataeyaej̈ana. ¿Depakuenia najamatabükueneitajütatsi apowajayawenonaejawa políticowi?

• ¿Depakuenia nakajamatabükuenebijiana j̈ua tanetsi televisiónjawata, Internet-jawata, j̈ua itsamonae itsi tsabiabi üDioso wajajamatabükuenejüpaeyaniwa?

PALIWAISI BAJA YAPÜTANETSI

Pepo cristianowi najamatabükuenesaütabiaba peyawenonaeyaniwa políticakuene. Bajarapakuenia nayapütane pakuenia najamatabüj̈aina, kuaikuaijai tsabiabi, itsi tsabiabinua.

Najamatabünapire

• ¿Depakuenia bejinawanapatsi jiwi pematakaitorobiwi pitabarata?

• ¿Dej̈uajitsia apoyawenonaetsi políticakuene?

• ¿Dej̈uajawanü nakajamatabükueneüjübijitsipa wajajumekowünütsiyaniwa üDioso Pematakaitorobikuene?

YAPÜTAENAME ITSALIWAISI

¿Debeitsitsi nakatoayapübeje ata, wajajumekowünütsinej̈a üDioso Pematakaitorobikuene?

Jehová nakayajawa tsabiabi (3:14)

¿Depakuenia nakaemonae najamatabükuenewereta tajüwelia pejumekowünütsinej̈a üDioso Pematakaitorobikuene?

Jamatabükuenejüpatsi üDioso Pematakaitorobikuene daj̈itajiwi pitabarata (4:25)

Itsamonae barünabia petokopatsiyaniwa pijanakua, tsipaji barapakuenia bitso tsitaj̈anepanatsi itsakuenewekua, ¿bajaraj̈ua meta j̈anepana?

“Ayapübeje ata, Diosonej̈a toyapüj̈anepanatsi” (5:19)

Itsa nakuenebatsi, ¿depakuenia najamatabükueneitajütatsi apowajajamatabükuenejüpaejawa Dioso apopejumekowünütsiwijawabelia?

“Kaejiwi kanakujitsia benajamatabükuenewereta j̈ua itsijitsia” (Peyajiwitaebo, 15 de marzo, 2006)