Nde ndepuere reiko Jehová iamigorä

Jehová oipota reikuaa kavi jesegua. ¿Maera pa? Echa reikuaa kavi jesegua yave —jeko kavi reta re, kërai oyapo mbaembae jare oyapota kuri vae re— má reipotata reiko iamigorä. Ërei, ¿añete ra yandepuere yaiko Tumpa iamigorä? (Emongeta Salmo 25:14). ¿Mbae pa reyapota reiko vaerä iamigorä? Biblia omboyevɨ yandeve kuae marandu reta jare omombeu vi maera pa Jehová iamistad ikavi ete ïru amigo reta güi.

1. ¿Mbae pa oipota Jehová reyapo vaerä?

“Peyemboya Tumpa re jare jae oyata peré” (Santiago 4:8). ¿Mbae pa yandemboe kuae ñee reta? Jehová oipota nde reiko iamigorä. Tumpa yandepuereä yaecha jáeramo amogüe reta jei yandepuereä yaiko iamigorä. Ërei, yaikuaa kavi vaerä jesegua jare yayemboya vaerä jese, jae oeya yandeve iñee Biblia pe. Yamongeta yave Biblia, yandeamistad Jehová ndive okuakuaa yepe tëi yandepuereä yaecha.

2. ¿Maera pa Jehová jae ko metei amigo ikavi ete vae?

Jehová nderaɨu yae. Jae oipota reiko yerovia reve jare reyemboya jese. Biblia jei: “peeya Tumpa pe opaete peyemoambeko jese vae”, echa jae oyangareko oï nderé (1 Pedro 5:7). Jehová jekuae avei omborɨ, ombopɨakatu jare oyeapɨsaka iamigo reta pe (emongeta Salmo 94:18, 19).

3. ¿Mbae pa Jehová oipota yayapo yaiko vaerä iamigorä?

Jehová oaɨu opaete kia reta, ërei “oï jupi vae reta ndive” (Proverbios 3:32). Jehová oipota ñanemomɨ̈rata yayapo vaerä ikavi chupe vae jare agüɨye vaerä yayapo ikavimbae vae. Ipuere amogüe reta oyemongeta ipueretaä ko oiko Jehová oipota rami. Ërei, jae ko iporoparareko vae jare oaɨu opaete kia reta oñemomɨ̈rata vae omboyerovia vaerä oaɨu ramo (Salmo 147:11; Hechos 10:34, 35).

YAIKUAA KATU VAERÄ

4. Abrahán jae ko Jehová iamigo

Yamongeta yave Abrahán regua re (oñeenɨi vae vi Abrán) yandemborɨ yaikuaa mbae pa yayapota yaiko vaerä Jehová iamigorä. Pemongeta Abrahán regua Génesis 12:1-4 pe jare peyemongeta jese:

• ¿Mbae pa oyókuai Jehová Abrahán pe?

• ¿Mbae pa omopromete chupe Jehová?

• ¿Mbae pa oyapo Abrahán oendu güire Jehová iporookuai reta?

5. Mbae pa oipota Jehová iamigo reta oyapo

Ñanoi yandeamigo yave ñaäro ikavigüe yandeamigo güi

• ¿Mbae pa nde reipota ndeamigo reta oyapo ndeve?

Pemongeta 1 Juan 5:3 jare peyemongeta jese:

• ¿Mbae pa oipota Jehová iamigo reta oyapo vaerä?

Ñaneñeereendu vaerä Jehová pe, güɨramoi yaipoepɨta ko yandereko reta. Pemongeta Isaías 48:17, 18 jare peyemongeta jese:

• ¿Maera pa oipota Jehová iamigo reta oipoepɨ jeko reta?

6. Mbae pa oyapo Jehová iamigo reta re

VIDEO: Jehová vino a rescatarme (3:20)

• Video pe yaecha rami, ¿kërai pa omborɨ Jehová kuae kuña?

Pemongeta Isaías 41:10, 13 jare peyemongeta jese:

• ¿Mbae pa oyapota Jehová iamigo reta re?

• ¿Rerovia pa Jehová ipuere ko oiko ndeamigorä añetete vae? ¿Maera pa?

7. Yaiko vaerä Jehová iamigorä ikavi ko ñanemiari jare yaendu jese

Ñanemiari yave yandeamigo reta ndive oñemomɨ̈rata ko yandeamistad jae reta ndive. Pemongeta Salmo 86:6, 11 jare peyemongeta jese:

• ¿Kërai pa yandepuere ñanemiari Jehová ndive?

• ¿Kërai pa imiari Jehová yande ndive?

YAYEMBOE MA VAE

Jehová oipota oiko ndeamigorä jare ndemborɨta reyemboya vaerä jese.

Emoësaka

• ¿Kërai pa omborɨ Jehová iamigo reta?

• ¿Maera pa ipuere ko Jehová oipota iamigo reta oipoepɨ jeko reta?

• ¿Rerovia pa yavai yae yaiko vaerä Jehová iamigorä? ¿Maera pa körai reyemongeta?

EEKA KUAE

¿Qué le puede aportar a su vida ser amigo de Dios?

“Jehová, un Dios que vale la pena conocer” (La Atalaya, 15 de febrero de 2003)

Aprenda a cultivar la amistad con Dios.

“¿Cómo puedo hacerme amigo de Dios?” (Lo que los jóvenes preguntan. Respuestas prácticas [volumen 2], capítulo 35)

Descubra por qué una mujer dice que la amistad con Jehová le salvó la vida.

“¡Yo no quería morirme!” (La Atalaya, núm. 1 2017)

Escuche lo que algunos adolescentes opinan sobre Jehová.

¿Qué significa ser amigo de Dios? (1:46)