YEMBOE 56
Emborɨ yaiko vaerä metei ramiño congregación pe
Ñañemoïru yave yandehermano reta ndive, yaiko mburuvicha David jei rami: “Mase, ¡täta ikavi jare ipöra, opaete oñoëtara vae reta yogüɨreko vaerä metei rami!” (Salmo 133:1). Güɨramoiñoä ko yaiko metei ramiño; opaete ko yamborɨ yaiko vaerä jökorai.
1. ¿Mbae mbae pa má ikavi ndeve Tumpa jembiokuai reta oyapo vae?
Repou yave yemboatɨ ïru tëta guasu pe, yepe tëi mbaetɨ reikuaa iñee, ërei reyerovia katu reï. ¿Maera pa? Echa, opaete ɨvɨ rupi, Testigos yayemboe Biblia re kuatiarɨru reta oyovake vae ndive. Opaete ñañemomɨ̈rata yayoaɨu päve vaerä. Oipotagüe yaikoa rupi, ñaenɨi Jehová jee jare yayeokuai chupe metei ramiño (Sofonías 3:9).
2. ¿Mbae pa reyapota yaiko vaerä metei ramiño congregación pe?
“Peyoaɨu opaete vae pepɨa jupi reve” (1 Pedro 1:22). ¿Kërai pa reyapota kuae? Emae hermano reta jeko kavi reta re, agüɨye jeko kaviä re. Agüɨye eiparavo reñemoïru vaerä ikavi ndeve vaeño; jaenunga vi eñemomɨ̈rata reikuaa katu vaerä ketɨgua reta. Eaɨu opaete kia reta reporomboyoavɨmbae reve (emongeta 1 Pedro 2:17).a
3. ¿Mbae pa reyapota reyemboasɨuka yave ïru cristiano ndive?
Metei ramiño yaiko; ërei ámope yayavɨ ani yayemboarasɨuka päve. Jáeramo Tumpa Iñee jei: “Peɨ̈ro iyoa pekotɨ vae reta pe yave, peRu ara pe oï vae iñɨ̈rota vi peve peyoa reta re” (emongeta Mateo 6:14). Jeta vese yambopɨatɨtɨ Jehová, ërei jeseve iñɨ̈ro yandeve. Jáeramo jae oipota ñaneɨ̈ro yandehermano reta pe. Remboarasɨuka yave metei kia, eyembotenonde nde räri peñono kavi vaerä jókuae mbaemboavai penoi vae (emongeta Mateo 5:23, 24).b
YAIKUAA KATU VAERÄ
Eyemongeta kërai pa ndepuere remborɨ congregación oiko vaerä metei ramiño mbɨakatu reve.
¿Mbae pa reyapota reñono kavi vaerä mbaeavai ïru kia ndive?
4. Eaɨu opaete kia reta reporomboyoavɨmbae reve
Yaipota yaechauka mboroaɨu opaete yandehermano reta pe. Ërei ámope yavai ñañemoïru vaerä kia oyoavɨ yandegüi vae ndive. ¿Mbae pa yandemborɨta? Pemongeta Hechos 10:34, 35 jare peyemongeta jese:
Jehová omboacepta opaete kia reta oyeokuai vaerä iTestigo rami. Jáeramo, ¿kërai pa remaeta kia oyoavɨ ndegüi vae re?
Nde reikoa vae rupi, ¿kërai pa omae ïru kia reta oyoavɨ chugüi vae re? ¿Maera pa agüɨyeta reporomboyoavɨ?
Pemongeta 2 Corintios 6:11-13 jare peyemongeta jese:
¿Mbae pa ndepuere reyapo má reaɨu vaerä opaete hermano jare hermana reta?
5. Neɨ̈ro ndepɨakavi reve jare eiko kavi
Jehová iñɨ̈ro yandeve ipɨakavi reve, yepe tëi jae mbaetɨ omonecesita ñaneɨ̈ro vaerä chupe. Pemongeta Salmo 86:5 jare peyemongeta jese:
¿Mbae pa yandemboe kuae versículo kërai Jehová iñɨ̈ro yandeve vae re?
¿Remee pa yasoropai Jehová iñɨ̈ro ndeve vae re? ¿Maera pa?
¿Mbae oasa yave pa ipuere yavai yaiko kavi vaerä ïru kia reta ndive?
¿Kërai pa yandepuere ñamomoe Jehová, yaiko avei vaerä metei ramiño yandehermano reta ndive? Pemongeta Proverbios 19:11 jare peyemongeta jese:
Oime kia ndemboarasɨuka yave, ¿mbae pa ndepuere reyapo?
Ámope yande ko yamboarasɨuka ïru kia reta. Jókuae oasa yave, ¿mbae pa yayapota? Pemae VIDEO re jare peyemongeta jese:
Hermana video pegua, ¿kërai pa oñono kavi iyemboavai ïru hermana ndive?
6. Emae hermano reta jeko kavi re
Yaikuaa kavi yave yandehermano, yaecha jeko kavi reta jare oyavɨ vae re. ¿Kërai pa yandepuere má yaecha jeko kavi reta re? Pemae VIDEO re jare peyemongeta jese:
¿Mbae pa ndemborɨta remae vaerä hermano reta jeko kavi re?
Jehová omae yandereko kavi reta re. Pemongeta 2 Crónicas 16:9a jare peyemongeta jese:
¿Kërai pa reñemosiente reikuaa yave Jehová omae ko ndereko kavi reta re?
Metei ita ipöra yae vae ave güɨnoi defecto reta, ërei jeseve jepɨ yae ko. Jökoraiño vi oasa yandehermano reta ndive: yepe tëi ámope oyavɨ, ërei Jehová oaɨu yae.
AMOGÜE RETA JEI VAE: “Jae räri tou toiporu cheɨ̈ro vaerä chupe”.
¿Maera pa ñaneɨ̈rota ñanekɨ̈reɨ ngatu reve?
YAYEMBOE MA VAE
Neɨ̈ro jare reaɨu yave opaete ndehermano reta, remborɨta congregación oiko vaerä metei ramiño.
Emoësaka
¿Kërai pa ndepuere reaɨu opaete kia reta reporomboyoavɨmbae reve?
¿Mbae pa reyapota remboarasɨuka yave ïru hermano pe?
¿Reipota pa neɨ̈ro ïru reta pe, Jehová iñɨ̈ro yandeve rami? ¿Maera pa?
EEKA KUAE
Jesús usó un ejemplo que nos ayuda a no juzgar a los demás. Descubra de qué se trata.
¿Tenemos que disculparnos si creemos que no hemos hecho nada malo?
“Disculparse, un medio eficaz para hacer las paces” (La Atalaya, 1 de noviembre de 2002)
Vea qué les ha ayudado a algunos a tratar a todos por igual y sin prejuicios.
Analice cómo resolver los desacuerdos personales antes de que se rompa la paz de la congregación.
“Resolvamos los desacuerdos con amor” (La Atalaya, mayo de 2016)