Biblia yandemboe vae mbaravɨkɨ jare korepoti re

¿Ámope reyemoambeko pa mbaravɨkɨ jare korepoti re? Ipuere ko yavai ñanoi vaerä ñamonecesita vae jare yayeokuai kavi vaerä Jehová pe opaete yandepɨa ndive. Biblia güɨnoi yemboarakuaa reta yandemborɨ yayapo kavi vaerä.

1. ¿Mbae pa yandemboe Biblia mbaravɨkɨ re?

Tumpa oipota yayerovia yaparavɨkɨ yave. Ërei Biblia pe jei “kuimbae pe jaekavi yae vae, jae ko oyerovia vaerä iparavɨkɨagüe re” (Eclesiastés 3:22). Jehová täta oparavɨkɨ. Yayapo yave jae oyapo rami yandemboyerovia jare yamboyerovia Jehová.

Mbaravɨkɨ ikavi ete ko, ërei yambotenondeta ko yandeyemboete Jehová pe (Juan 6:27). Yambotenonde Jehová yave, jae jei omeeta yandeve ñamonecesita vae.

2. ¿Mbae pa jei Biblia korepoti re?

Biblia jei korepoti “oporoepɨ”, ërei omombeu vi mbaetɨ korepotiño yandemboyerovia (Eclesiastés 7:12). Jáeramo Biblia jei yandeve agüɨye yaaɨu vaerä korepoti jare omee yandeve yemboarakuaa: “Peyerovia mbaembae penoi vae re” (emongeta Hebreos 13:5). Yayerovia ñaï yave ñanoi vae re, mbaetɨ yayemoambeko mbatee yaeka má korepoti. Jökorai yave mbaetɨ yandepía (Proverbios 22:7). Jare mbaetɨ yayuvanga ñamongana vaerä korepoti jare mbaetɨ yaipota yaiko katu aramoete pegua.

3. ¿Kërai pa yaiporu korepoti yamborɨ vaerä ïru reta?

Jehová ko Tumpa ipɨakavi vae jare jembiokuai reta oyapo jae rami, ipɨakavi jare ikɨ̈reɨ ngatu omee ïru reta pe güɨnoi vae (1 Timoteo 6:18). Yaiporu kavi yandekorepoti yayapo yave donaciones congregación pe, yamborɨ yandehermano reta jare omonecesita vae. Jehová mbaetɨ omae mbovɨ korepoti ñamee vae, ërei má ikavi ete chupe mbae ñanemokɨ̈reɨ ñamee vae. Yandepɨa güive ñamee yave, yaikota yerovia reve jare yamboyeroviata Jehová (emongeta Hechos 20:35).

YAIKUAA KATU VAERÄ

4. Emboete Jehová ndeparavɨkɨ kavi rupi

VIDEO: Trabajemos con toda el alma para Jehová (4:39)

• ¿Mbae pa ndembopɨakañɨ Jason jeko oechauka vae iparavɨkɨa pe?

• ¿Kërai pa oñono mbaravɨkɨ jenda pe kavi?

Pemongeta Colosenses 3:23, 24 jare peyemongeta jese:

• ¿Maera pa ikavi ete yaparavɨkɨ yandepɨa “kɨ̈reɨ ngatu reve”?

Yepe tëi mbaravɨkɨ ikavi ete, ngaraa ko yambotenonde Jehová güi.

5. Maera pa ikavi yaiko yerovia reve ñanoi vae ndive

Jeta kia reta oeka güɨnoi vaerä jeta korepoti, ërei Biblia mbaetɨ ko yandemboe körai. Pemongeta 1 Timoteo 6:6-8 jare peyemongeta jese:

• ¿Mbae yemboarakuaa pa omee yandeve Biblia?

VIDEO: Estemos “contentos con las cosas presentes” (3:20)

• Yepe tëi kuae tëtara reta mbovɨ mi korepoti güɨnoi, ¿maera pa oiko reta yerovia reve?

Ñanoi ma jeta korepoti yave, ërei jekuaeño yaipota má ñanoi vaerä, ¿mbae pa oasa? Jesús metei ejemplo rupi oechauka maera pa ikaviä yayemongeta vaerä körai. Pemongeta Lucas 12:15-21 jare peyemongeta jese:

• ¿Mbae pa ndemboe mbojaanga Jesús oñono vae? (Pemae versículo 15).

Pemongeta jare pemboyovake Proverbios 10:22 jare 1 Timoteo 6:10. Javoi peyemongeta jese:

• ¿Mbae pa má ikavi ete vae: yaiko Jehová iamigorä, ani ñanoi jeta korepoti? ¿Maera pa?

• ¿Mbae pa oasa yandekorepoti potarai yave?

6. Jehová omeeta ñamonecesita vae

VIDEO: Jehová cubrirá nuestras necesidades (6:30)

• ¿Mbae yemboavai reta oasa hermano video pe yaecha vae?

• ¿Mbae pa oyapo?

Pemongeta Mateo 6:25-34 jare peyemongeta jese:

• Yambotenonde yave Jehová ¿mbae promesa pa omee yandeve?

YAYEMBOE MA VAE

Ñamonecesita mbaravɨkɨ jare korepoti, ërei agüɨye ñamaeño kuae mbaembae yandembosɨrɨ Jehová güi.

Emoësaka

• ¿Mbae pa ndemborɨta reñono vaerä mbaravɨkɨ jenda pe kavi?

• ¿Maera pa ikavi yaiko yerovia reve ñanoi vae ndive?

• Jehová jei yave omeeta jembiokuai reta pe omonecesita vae, ¿kërai pa reechaukata rerovia katu ko jese vae?

EEKA KUAE

Descubra si la Biblia dice que el dinero es malo.

“¿Tiene el dinero la culpa de todos los males?” (Artículo de jw.org)

Vea la forma de dar que hace feliz a Jehová.

“¿Qué dice la Biblia sobre dar?” (Artículo de jw.org)

¿Hay algo de malo en jugar por dinero?

“El punto de vista bíblico: Los juegos de azar” (¡Despertad!, marzo de 2015)

Lea qué motivó a alguien que jugaba por dinero y robaba a cambiar de vida.

“Me apasionaban las carreras de caballos” (La Atalaya, 1 de noviembre de 2011)