2 Chiyutøkucha pailø misra marøp

¿CHI KERA?

Chiyutøkucha kasherainuk pailø marøp pøntraikpe, kan pilotopa copilotopa kantø isua ampik lataik køn. Nømuimpuraptø isumelø køn, treek kømøtø pailainuk chi tapik kui asha marøpelø køn, chikøpentø tap kømelø atrinkucha.

BIBLIA CHI TAIKWAN: “Inchawei yandø pailø kømø, kan asrtø køn” (Mateo 19:6).

“Pailøpa kasherawa pøntrainuk tap amøñintrappe ampukutri ikkutri purukumik køn” (Christopher).

¿CHINCHAKUTRI IKWAN MARAMIK KØ?

Chiyutøkucha pailø misra marmuinkatikpe tap kømelø atrupen, ampukutri ikkutri chinetø cha, chinchakutri pølpasra kuayaikwane ashmøntrun. Katøkanpurappe, lamøtikwan latrø nuik martrun.

“Kasherawa pøntrainuk chiyutøkucha pailø marøp pøntraikpe purø tapik køn. Nai kekpa napa pailø misra marmuinkutrimpe, kan yau puluelø latailøtø køpsruintrun. Kakentø nøm tru pulutøwai warapelø køpentø chikøpen maramik køpene kantø isua marmøn” (Alexandra).

¿CHI MARØPSRUKU?

ÑITØWAI PAYA MØR

• ¿An kanaikwan ñuintø kønmap isupik køtitru?

• ¿Tap isrøntrappe ñui sraik ñui kek mukakuimpemap isupik køtitru?

• ¿Ñui srawai kewai yaweløpape treek wamintimíik køtitru nømpe kanpalatø lincha putraintøkucha?

PAILØ MISRA WAMINTAY

• ¿Kasherawa pøntrainuk chimerayu pailø misra tap marøpelø køke?

• ¿Kasherawa pøntrainuk chimerayutø tamaramik kera?

• ¿Kasherawa pøntrainuk chiyutøkucha pailø marøp pøntrøntrap chi maramik kø?

IKWAN MARTRAP ISU

• Ñiken isu, ñim kasherawa pøntraikpe kan futbol eshekaik lataik køn, truyupe sraimpa kekpa kanyutø eshekamik køn ¿chi marøpsruira pailøpa kanyutø eshetrap?

• Ñitø kanantrappe isumøta, treek kømøtø pailø misra mantø kanamikwan isui.

“Yupe møik sølwan srua pasraikwan ashmukun. Treek kømøtø, mas nuikpe ik køn: nakchak umpu pishintø kasherainuk kanpalatø putramik.” (Ethan).

BIBLIA CHI TAIKWAN: “Møitøgucha ke nømuimburabigwandø tab kønrrai marøb kebammøtø, katøganelayasikkucha tab kønrrai maramig køn” (Filipenses 2:3, 4).