Metrapsrø Pirø ørøpa pipuløpen, ¿namun chi kusrenana?

Tiuswan mørmelane chishtø pinisaik køn. Jeupa Noéwan nui yaumpuelan purø misrik køn (Génesis 7:11, 12, 23)

40 kualømmera incha 40 yemmera sre puik køn, trukutri ketriku kuarømik puik køn. Purø trømpøik pulap atrik køn incha kaik misak chishtø pinik køn.

Ángelesmera Tiuswan mørmeløpe katøle srømpalasrømai nepampik køn. Møin kualømpe kaik møsikmera køn.

Arcayu putrapeløtø øsik wepampik køn, trukutri trupa yanasrø Noépa nui yaumpuiløpa chap kuaik køn. Wentøsrø Tius nømun katøyu øsirantrun incha manakatik yu Pirau warøntrun.

Tius katøyu pinishintrun kaik marøpelan inchentø tap marøpelan purø misrtrun (Mateo 24:37-39)

Kuaimantsikpa kaik møsikmerapa møimpe misakwan muntøkucha køpenøsrkøntrap ashipik køn, mukucha Jeupawan mørmøntrai.

Møin kualømmerawankucha Noé uñip uras lataitøwai isupelø køn, Jeupawan mørmelø. Møinkucha trektøwai kaik misakwan pinishintrun (2 Pedro 2:5, 6).

Trektøwai møiyasrønkucha misakmera Noé latailø køn, Tius maik taikwan marøpelø køn, iløpe Jeupawaiwan wamichipeløpe køn.