Noéwai arca

Yanasrømpe, yu Pirau misakmera nemisrøp menta latrø yam misakmerape kailø kuik køn. Møilø ángelesmerakucha kailø misra srømpalasrønkutri yu Piraumay køtrøtruik køn, ¿chinchap køtrøtruik kera? Møkelø lataitøwai asrmera tøkakua ishumpurmerapa kasherantrap.

Ángelesmerape ishumpurmerapa urekmera tøkakøpen, ik urekmerape nøtrørawape latrø murelø køp, kuayamlaptelø kua misakmeran kalø marøpelø kuik køn. Jeupape ikwan asha latrø mur sre punkarua, yu Pirau pi puløsrka kaik misakmeran pinishintrap isuik køn.

Inchentø kan møk Noé taik pekmay kuik køn, kakentø Jeupawan untarapik kuikkutri nøpe srai tøkakøp, pøn nurskalø tøkakuik køn Sem, Cam, Jafet munchi tailø, nømpe kan kan sralømera tøkakuik køn. Jeupape Noéwan kan latrø nu arca marin karuik køn, pi palawan kutrøntrapik øyamay Noépa nui yaumpuiløpa pi pulapyukutri øsik puraamtrai trektøwai Jeupape latrø nu ushamerankucha arcayu kepamtrai marik køn kuamøntrai.

Noépa nui yampuiløpa arcan marøp pølpasrinukkutri 50 pilamera lutausrø chap marik køn. Øyamay Jeupa maik karuikwan møra marik køn, tru pilamerawan Noépe misakmeran eshkaik køn tru latrø mur sre pua Pi Pulapik attrap køn cha, inchentø misakmerape kanken mørmuik køn.

Yantø arcayu kepampamik puik køn truyukutri, ¿chi purayaikwan nepua ashik kuita?