Pirø ørøpa pipuløpen, ¿Tiuswan mumera mørik kø?

Noé uñip uras misak latrø kaik marøpeløtø kuik køn (Génesis 6:5)

Adánpa Evanpa urektøka kuik køn trukutri yu Pirau latrø nøtrø misak pasrapik kuik køn. Katøkan ángelesmera Kuaimantsik latailø mørmelø kuik køn Tiuswan.

Nøm srømpalasrø ángeles kuik køn incha yu piraumai køtrøtruik køn. Nøm møkelø asrwan yunømara, ishumpurmerapa kasherantrap incha kaik nusrkaløtøka kuik køn, purø murelø, møkelø latailø køn kømø.

Yu Pirau kaik misak purø nøtrø netsaik køn. Bibliayupe eshkan yu Pirau misakmeran latrø trømpøik marøp amtruikpe, chi lamøtik kømø, purø nuik kuik, nøm chu uraskucha, ketriku chi isuiløpe kaikwantø martrap isupelø kuik køn.

Noépe Tiuswan møra arcan marik køn (Génesis 6:13, 14, 18, 19, 22)

Noépe purø tapik kuik køn. Jeupa nun eshkaik køn kutike kaik misakwan patsøkøntrap cha, mur sre pupiktøka.

Tiuspe eshkaik køn Noéwan tsik caja martrai piu umpu kepintrapkeik, Noéwai arca køn taik. Noé nui yaumpuilantø arcayu pera kepiaik køn ushameranpatø.

Noé misakmeran eshkaik køn latrø trømpøik sre pua patsøkøntrun cha, inchen misak mørmuik køn, møiløpe purø trømpøik waminchap asik køn, intsa asampa.

Noépe yantø arcan chap marøpe ushameran keerik køn trektøwai nui yaumpuilan chishtø pera kepiaik køn.