KUSRENANIK 6
Ocho misakmeratø srøik øsik pølpasrik køn
Noépa nui yaumpuiløpa, ushamerapa arcayu kepampen, Jeupa yaskapwan kasrøpen latrø mur sre puikkutri, Pirau lamø lamø pi netsapipen arcape pala kutrik køn. Kaik misakmera arcayu kepammeløpe chishtø kuapen Noépa nui yampuiløpa øsik puraampik køn, kakentø arca umpu putraikkutri. ¿Jeupawan møra marikkutri maik mørørai intik kera?
40katik yem kualømmera latrø mur sre pua yantø kuarik køn. Lamø lamø pimerape køtrep ipen, srapesrømpe arcape tun palasrø pasramisrik køn. Pirøpe pitø netsaikkutri Noépa nui yaumpuiløpa arcayukutri wepamtrap kaimaik køn.
Kualømmera purep yain kuintø pimerape køtrep yaik køn, inchen Noépa nui yaumpueløpa arca umpu pila lutau putraik køn, trukutri Jeupape wepampay cha karupen wampiksrømpe srø Pirø lataik kuik køn. Jeupa øsik wepamtrai purukuikkutri, nømpe latrø kasrak mørørawa Jeupawan unkua cha kan ofrenda tranik køn.
Jeupape tru ofrendan tap kui asha Pirøwan pi netsøkana yantø pinishimøntrap martrap misrik køn, tru martrap misrikwan isuntrai srømpalasrø kan arcoíris kenamisrtrai marik køn. ¿Manakøpen kan arcoíris asha køtitru?
Trektøwai Jeupape Noéwan nui yaumpuilanpa urekmera tøkamisra Pirøwan netsøkantrain karuik køn.
“Noé nui truba nu barcoyu kebyam kwalømgatikke. Incha treeg pumnegatig øyeeg kønrraitamab isumø warøbenba tru pi pulab arrubiibe maya misagwan patsø srua yaig købig køn cha” (Mateo 24:38, 39).