Kan aship karup wapik kan nu tusr lataik køn

Kan yem Nabucodonosor kuaramtik piaik køn. Incha tru latrø nu kusrepelan wamik køn tru piaikwan chi kui eshkantrai. Inchentø kaimaikkutri, Danielwan eshkaik køn.

Nabucodonosorpe Danielwan trentaik køn: “Na pianukpe kan latrø nu tusr ashar cha, srømpalasrønkatik pupik, maya misakmera Pirau warapelø asamtik køp, tusryu ishikmerape latrø tapchik tøkaik incha main trulmera latrø nu nikaik kuik køn. Inchen ushamerape ik tusr umpu israp waramisren, illincheløpe tusr kualikmerayu le marøpelø kuik køn. Inchen møimpe kan ángel srømpalasrønkutri køtraatrua trenchip trashipik køn: ‘¡Ik tusrwane para kutsay, incha nui kualimerankucha chishtø pinømitray! Tru tsik uñchipik srølpaikwane ka pasrøpasha, hierropa, cobrepa licha pasray cha. Kakentø ik tusrwai mantrøpe yunømarik køntrun. Yantø møk misakwai mantrø kømøtø, ushawai mantrø lataik misrtrun cha. Incha siete pilamera puraintrun. Maya misakmerape tør nepua ashchun Jeupa aship karup wapik kui, incha nøpe munkøpen aship karup waikwan tranøpik kuiʼ”.

Jeupape piaik chi kui Danielwan eshkaik køn. Danielpe chi kui nepua asha køtrø kuara trentaik køn: “Nai purø tap rey, ik piaikpe ñun tsalø ashipelan puimpe køn, inchentø treek kømøtø ñun puraintrap køn. Kakentø tru nu tusr pøtøkutsikpe ñi køn cha. Ñi aship karup waikwan ñipe trupisha, kaumpu ushamera lataitøwai pu mantrun. Inchentø ñipe katøle aship karup wamisrtrun, kakentø ángelpe trentaik køn: ‘Tru tusr parinukkutri tsik uñchipik srølwane ka pasrøpasay chaʼ”.

Inchen piainukkutri pila puraipen, Nabucodonosorpe nø aship karup wainuk yaketa llirap uña Babilonian latrø tap kui asha trenchipik køn: “¡Nape sí latrø tap ciuda marøprain køn! ¡Nape sí latrø nuik kur cha!”. Tru waminchip pasramnetø, srømpalasrønkutri kan wam trenchipik køn: “¡Nabucodonosor! Ñi karup waikpe yantø yukatiktø køn cha”.

Inchen tru urastø Nabucodonosorwan tur minchen, namik usha lataik inchip mentøpen, nø aship karupwai yaukutri wekutsik køn, ushamerai utu øsik tsuntrai. Nui turyu pusrukpe wasrøwai kalisik lataik yapik misren, nui tsøkølmerape illiwai lataik yapraik køn.

Yantø trattrø pa pilamera puraipen, Nabucodonosor tammisren, Jeupape katøle Babiloniasrø rey køntrai wannik køn. Inchen Nabucodonosorpe trentaik køn: “Nape Jeupawan tap intik køntrai marar, kakentø srømpalasrø Aship Karup Wapik nø kuikkutri, incha nøtrelø misrøp chipelan kørik purøørøpik kuikkutri. Møimpe sí tør nepua ashar Jeupa kui Aship Karup Wapik, incha munkøpen nø aship karup waikwan tranøpik kui”.