Jesús unøtik kua

Josépa, Maríapa, Jesúspa, katøkan urekmerapa Nazaretsrø warapelø kuik køn. Nui yaumpuelan chi palaikwan trantrap Josépe tsiktøka chikøpentø mariløyu kuallip, trektøwai Jeupawaimpurap nø martrai karuilan kusrenanøp, chu urastøkucha judíosmera tuluntsunik yasrømay Tiuswan adorantrap nui yaumpueløpa ampup, incha Jerusalén Pascuayumay pilamørik ampupelø køpik køn.

Jerusalénsrø Pascuayumay ampen Jesúspe 12 pilamera tøkaik kuik køn, truyupe latrø nu misak pasraik køn tru Pascuayumay amtrupelø, inchen Pascua chap patsøpen Josépa Maríapa katøyu yamay ampa, Jesús wentautø yaweløpa atritamap isuik køn. Inchentø, lap menta kalapelø køn.

Jerusalénmay katø llirapelø køn trusrø lantrap, pøn kualømyupe Tiuswai yau kusrenanøpelai utu mørøp nøkutri paip wapen wetøtrapelø køn. Inchen mayeløpa mørøp putrapeløpe, trupa kusrepik kui aship katø nø maik løtilan mørøp inchape ke kuara asha, Jeupa maik martrai karuilan tør nepua ashipik kui kuenta køtrapelø køn.

Møskaløpe latrø isuin putraikkutri Maríape trenchipik køn: “Nampe ñun truørø lap kuik køn chu uñku cha”. Inchene Jesúspe trenchipik køn: “¿Nabe nai Møskawei chi maramelan na marøb wamigwan ñimgan ashmeelø køtirru?— cha”.

Jesúspe nui møskaløpa Nazaretsrømay katøle ya, Josépe tsiktøka chikøpentø martrai Jesúswan kusrenanik køn. ¿Chi isuku? ¿Jesúspe matsinø unø kua maik kuik kø? Jesúspe trutriku kusrepik misrøp nurap ipen Tius lata, misakmera lata, purø tap kui ashipelø kuik køn.