Jesús nui kusrenanøp pera unilan Tiuspa maik wamintamikwan kusrenanik køn

Fariseosmera chikøpen marape misakmera kuara ashchaintø kenamarøpelø kuik køn. Inchawai, Tiuspa wamintamelø latrø yapelø kusrewa chu urastøkucha truilantøwai waminchipelø kuik køn, judíosmera tuluntsunik yamerayu, plaza ya tsøpmerasrø misakmera ka ashchaintø. Inchawai Jesúspe trentaik køn: “Fariseosmera Tiuspa maik waminchipelø kuikwan trektøwai waminchip køntrap kømø, kakentø nømpe latrø tap wamintiktøka, Tius tap kui ashchaitamap isupelø køn inchentø truikpe cierton kømøn. Tiuspa wamintikpe ñipa Jeupapatø køn. Inchawai chu urastøkucha truikwantø miamumik køn, masken Jeupape nam maik mørøraikwan eshkantrai isupik køn cha”. Treekkutri, misakmerape kuara asha køtrømisrik køn.

Jesúspe Tiuspa mantø wamintamikwan tørtø eshkaik køn: “Namui Møskai srømbalasrø wabig, ñui munchibe tabigweindø tarømara, newan tab indig kønrrun. Ñi ashib karub pasraibe pirau larrøbitchab amø,srømbalasrø latawei yu piraugucha,ñi maig maramdiig køben, treegwei marig kønrrai [cha]”. Incha trentaik køn, kualømmørik mamikwaimpurap miap, nam kalø marikwan pesannatra cha miap, namui øsik amønainuk chi palaiwaimpurap miamik køn cha.

Trektøwai Jesúspe trentaik køn: “Manaken Tiuspa wamintamikwane elachimøtø chu urastøkucha Jeupawan tapelø miay cha, kakentø mayelø møskaløma nømui urekmera chikøpen tapelø miapen tranøpelø køn, kape ñipe ñui nusrkai pitri miapene, ¿kan pillisrukwan tranøpsruku? Kape kan peskau miapene, ¿kan ulwan tranøpsruku?”.

Jesús tørtø eshkaik køn namun chi kusrenanikwan: “Pøs ñimma ya kailø købenguen ñimui uregwane tabig keta tranøbelø køben, kan mas ñimui Møskai srømbalasrø wabiibe nun miabelane, maig tabig tranrrer chibig køn”. ¿Jesús maik taikwan møra marøpik køtitru? ¿Jeupapa waminchip wawape chi miapik kuku?