Judíosmeran trømpøik kuetchip uras Jeupawaiwan waminchipelankucha trømpøik kuetsik køn | ¿Bibliape manchipik kø?

27 de enero ik 2023wai isup puaraamtrun Día internacional en Memoria del Holocausto taikwan. 75 pilamera truyukutri purep atrinuk, inchippa ñipe paya mørintrun Tiuspe øyeek chincha pupasik kera cha.

• Biblia manchipik kuiwan nepua ashchappe, ik pørikwan leu: “¿Chincha latrø nu Judíosmeran trømpøik kuetsik kø? ¿Tiuspe chincha øyeek pupasik kø?”

Tru uraspe Holocaustoyu latrø nu judíosmeran trømpøik mara kuetsik køn. Truyupe katøkanelankucha søtøkatilø pøntrøwa kuetsik køn, por ejemplo, Jeupawaiwan waminchipelan Biblian kørewa pøntraikkutri.

• Trupurap mas nepua ashchappe, ik pørikwan leu: “¿Qué les ocurrió a los testigos de Jehová durante el Holocausto?”.

“Wentøsrø tapikwantø muniramik”

Møya misakmerape katø treek puraintraitamap isua, kørik kui mørøpelø køn. Pero treek isumkeik køn kakentø Bibliape eshkapik køn wentøsrø treekpe manaken yantø kaantrap kui.

• Jeremías 29:11​yu trenchipik køn: “Nai ñimuimpurap chitø martrap isuilane tørtø isua pasrar cha —Jeupa trenchipik køn —. Ñimun trømpøik pumøtø, masken chi isumø pishintø amøñintrai isur. Wentøsrø tapikwantø muniramik purukupik kur cha”.a

Treek puraintrap køn Jeupa kalø marøpelan pinishipen, chishtø mintisailan tamaren, tru kualøm puntrun Tius treek maren:

• Katøkanelan trømpøik marøpelan pinishipen (Salmo 37:10).

• Muriku puraampilan pesannantrai purukupen pishintø tap warøntrun (Apocalipsis 21:4).

• Kuapelan katø yu Pirau warøntrai øsiranen (Hechos 24:15).

Ik martrap misriløyu newan køremtik køn. Chincha newan køremtik kui nepua ashchappe, Jeupawaiwan wamichipelan Biblian kusrenantra cha miau.