¿Chintimpa misakmera ampukutri ikutri pishintø warøntrap kaimapelø kø? ¿Biblia manchipik kø?

Pirø mupa kuimpurap aship karupelø, incha organizaciones internacionalesmerape kaima køn, ampukutri ikkutri pishintø waramikwan martrap. Segunda Guerra Mundial purayainukkutri, manaken treek kuayaimíik asimíik, møyampe mas latrø trømpøik pasran. 2.000 millones misakmera lutau treek kuayap kui utu warapelø køn.

¿Chintimpa misakmera ampukutri ikkutri pishintø warøntrap kaimapelø kø? ¿Biblia manchipik kø?

Ashkun pøn palakutri chincha misakmera pishintø warøntrap kaimapelø kui

1. 1. Misakmerape ka namuimpuraptø isupelø køn, inchakkutri pishintø waramikwane isupken inchimelø køn. Bibliape chap eshkaik køn, møya misakmerape øyeelø køntrap køncha, “møguelø ka nømuimburaptø tabig kønrrai inchibelø, anwane ke chinchimmørø inchib chull inchibelø, purø nørreelø misrøb waminchibelø, purab nørreelø misrøb katøganelane keeshaguen ashmeelø, […], Tius kaagúi lataig inchib misaamera kønrrun […]. chinchaguen tamaramgaig namabelø, […], trømbøig maramigwane ke treeg maratøweim puraambubelø, nømun kømøbashtø trømbøig mara petab misaamera, […] chi maramigwan tabguen isumubendø møi møi marøbelø, nørreelø kermab isubiitø ke chinsraatø inchibelø” køntrun tan (2 Timoteo 3:2-4).

2. 2. Misakmerape kan kan kape yamelø misrakucha pishintø waramikwane tamartrap kaimapelø køn. Jeupaa namun Ellmarøpiktrawa, tru ik purukuiktrawatøwai køntrun, kakentø Biblia trenchipik køn “tru misakmerai tasiku pasrømuin cha chikøpen isua nøm maramik” (Jeremías 10:23).

3. 3. Tru nukuaimantsik Satanás taik, latrø kaik yu Pirau nø aship karup pasrapik køn, tru Pirau maya misakmeran kekøtrøsrkøpik (Apocalipsis 12:9). “Larrø kaibe nø merrarrawa, nø ashib karub pasran”, inchakutri møya misakmera ampukutri ikutri latrø trømpøik kuayapkøn (1 Juan 5:19).

¿Pishintø waramik køntrai mu martrera?

Bibliape tørtø eshkapik køn, pishintø waramikpe misakmerainukkutri kømøtø, Tiuswainukkutri attrapik køncha.

• “‘Nai ñimuimpurap chitø martrap isuilane tørtø isua pasrar cha —Jeupa trenchipik køn —. Ñimun trømpøik pumøtø, masken chi isumø pishintø amøñintrai isur. Wentøsrø tapikwantø muniramik purukupik kur” (Jeremías 29:11).

¿Tiuspe mantø martrera? “Inchen Tius tru chi isumgaig tab købiibe kan maya yanayutø Satanáswane nøbe tambalørtrun ñim itøbuna pønrrønrrai” (Romanos 16:20). Tiuspe nui podertrawa srømpalasrø kan “Aship Karup Wamik ,” martrun, incha truiktrawa yu Pirau pishintø waramik køntrai martrun (Lucas 4:43). Tius Nø Aship Karup Wainuk, Jesucristo Aship Karup Wapik, misakmeran kusrenantrun pishintø mantø waramikwan (Isaías 9:6,7).

• Ikpurap mas nepua kusrentrappe ik asin kilkawan ash, “¿Qué logrará el Reino de Dios?”