Pirø ørø nømtø mørørai inchipkøn: ¿ñune chi purukuntrera?

• ”‏Estados Unidossrø kølelø tøpøta nømtø mørørai inchipkøn, inchentø mas kølelø misrtrap puraampupelø cha taik køn”‏ (Nuestra epidemia de soledad y aislamiento: Asesoramiento del cirujano general de EE. UU. sobre los efectos curativos de la conexión social y la comunidad, 2023).

• ”‏[La Organización Mundial de la Salud] mamtø misakmera wesruik køtrømisran cha eshkaik køn, katøkanelø misakmera nømtø mørørai inchipelan purukuntrain cha, kakentø nømuntøwai tap kømøntrapik køn cha, treektøwai katøkan misakmerapa lintam kusrentrai øyamay Pirø ørø ikyu purukuntrap”‏ (Organización Mundial de la Salud, 15 de noviembrewai de 2023).

Bibliayupe tap kørøsrailø tranøpik køn katøneløpa tap lintam kusrentrai namun purukuntraptelø.

Bibliayukutri latrø nuik ciertønelø ñun purukuntraptelø

Ñitø martrap inchimøta: Mentra celularyu kepasrmøta redes socialesyu kepip, masken tru utøwan misakmerapa linchap inchi, øyamay trak linchipelø wetøtrantrap inchik.

• Bibliayukutri latrø nuik ciertønelø: ”‏Kan tap trak linchipikpe chu urastøkucha nui untakwan kenarmartrapik køn, isumtø kualømmerayu pasrøntrap kal-laik lataik køn”‏ (Proverbios 17:17).

Utø wesruntrap inchi katøkanelan purukuntrap: Katøkanelan purukuntrap lapene namasiktøwai tap mørørainapik køn, incha mas trak linchipelø misrinapik køn.

• Bibliayukutri latrø nuik ciertønelø: “’Tranamibe, utamig lataguen kømø, mayanguen tab kuig køn’ cha, tru trendaigwan”‏ (Hechos 20:35).

Ikpurap mas kusrentrappe jw.org yu kepintrø.