¿An kanantrap isua eshekikpe kalø kø chintera?

Biblia maik taikwan

Bibliayu an kanamikwaimpurap mentra waminchimuinkucha, Bibliayukutri ciertoneløpe tap nepua asamik purukupik køn Tiuswaimpe an kanantrap isua eshekikpe kalø kui (Efesios 5:17).a

• An kanantrap eshekøpikpe mas an tøkakøntrap latrø chull ashipik kuikkutri Jeupape truikwantre kalø kui ashipik køn (1 Corintios 6:9, 10; Efesios 5:3, 5). Kanapeløpe perdepelai anwan tøkakøntrap latrø chull mørøp pøntrapelø køn. Inchawai Bibliape eshkapik køn nømuin kømíikwan nømuyasik tøkakøntrap inchip mørø, chull isuikwane kalø kui (Éxodo 20:17; Romanos 7:7; 13:9, 10).

• Lamøtø kanantrap isua eshekinkucha, anwan katø ke kan chinchimmørø inchip chull intikkutri kaløyu kepeñchapelø køn (1 Timoteo 6:9, 10).

• An kanantrap isua eshekøpeløpe mas suerteyu kørepelø køn. Tiuswaimpe treek marikpe katøkan tiusesmeran adorap latawain køn. Treekkutri, nui adorapeløpe treekwane marmumik køn (Isaías 65:11).

• Fácil an kanamik eshkapkutrimpe, Bibliape eshkapik køn an kanamikpe mur kualamik køn cha (Eclesiastés 2:24, Efesios 4:28). Biblia manchipik kuikwan marøpeløpe nøm mur mara an kanaikwan mapelø køn (2 Tesalonicenses 3:10, 12).

• Treek eshekøpeløpe nømui mantrømerayupe kanantrap solo isupelø køn. Tru namuintøwai tap kømøntrun Bibliayukucha kalø kui eshkapik køn (Gálatas 5:26).