¿Wentøsrø maik ashku?

BIBLIA CHI TAIKWAN

“Tiuspe [...] nømui kappimeran kerrigu pinømørtrun cha. Inchen yandø kwamig kawei, kisamig kawei, wamab trasamig kawei, pusrkwabig kawein kønrrun chib. Kaguende merrab chi købiibe chab purayan cha” (Apocalipsis 21:3, 4, Tius Namun Waminchip).

IK NEPUA KUSREIK NAMUN MANTØ PURUKUNTRERA

Namui kualiløpe latrø tapik misrtrun (Isaías 65:21-23).

Kuantrø waramik kiship waramik yantø patsøntrapkøn (1 Corintios 15:26; Isaías 33:24).

Namui yaueløpa manakatik kasrak waramik køntrun (Salmo 37:11, 29; Mateo 5:5).

¿NAMPE BIBLIA CHI TAIKWAN CHINCHA KØRENTRAP?

Yu pakatø pøntran eshkapelø:

• Tius nø chi taikpe chishtø martrun. Bibliayupe eshkan Tius nøtøwai latrø nuik chiwan martrap taikpe marøpik køn. Bibliayupe øyamai waman “Marampurap Marøpik” (Apocalipsis 15:3). Tiuspe latrø tap Pirøchik tamartrap chipen nampe trupurø kørewa pøntramik køn. Biblia maik taikwan “trune Tiusweinbe si, chitøgucha maramdiitø køn” (Mateo 19:26).

• Tiuspe nø chi martrap taikpe trupa martrap isupik køn. Bibliayupe eshkan kuapelan katøle kutrøntrai isun incha nøpe tru kualøm yantø puntrai munirap pasran (Job 14:14, 15).

  Trektøwai eshkaik Tiuswai Nusrkai Jesúspe kuantreelan kusruik køn. ¿Ikwan chincha marik kø? Kakentø nøpe tamarøp kui intik køn (Marcos 1:40, 41). Nøpe chi marikwan namun kenamaran nui Møskainkucha palailan purukuntrap køn (Juan 5:19).

  Ikpurap nampe køremik køn Jeupa Jesúspa manakucha namun wentøsrø tapikwan utøntrai isun (Salmo 72:12-14; 145:16; 2 Pedro 3:9).