¿Yu Pirau maya misakwan mu aship karup pasra?

BIBLIA CHI TAIKWAN

“Yu pirauigwane kerrigu mayamba tru kwaimandzig, [...] nø ashib karub pasran” (1 Juan 5:19, Tius Namun Waminchip).

“Inchawei Tiuswei Nusrkai kenamisrøppe, tru nugwaimandzig kaig mariilan pinishinrrabwein kenamisrig køn” (1 Juan 3:8, Tius Namun Waminchip).

IK NEPUA KUSREIK NAMUN MANTØ PURUKUNTRERA

Nampe tap nepua ashchun chincha møin kualøm latrø trømpøik purep pasraik (Apocalipsis 12:12).

Nampe latrø tap Pirøwan munirap pøntrer (1 Juan 2:17).

¿NAMPE BIBLIA CHI TAIKWAN CHINCHA KØRENTRAP?

Yu pønkatø pøntran eshkapelø:

• Kuaimantsik nø aship karup pasrapikwan pinisaik køntrun. Misakmeran Satanás nø aship karup pasrapikwan chap pinishintrap isun tru Jeupa. Nø martrap misrikwan “nugwaimandzig mu chindamgaig marøb pasrabigwan [pinishintrun]”. Kuaimantsik nø chishtø mintikwan katøle tamartrapkøn tru Jeupa (Hebreos 2:14).

• Jeupape Jesúswan aship karup wantrai wesrua pasrik køn. Jesúspe møin kualøm misakwan aship karup pasrapik lataik kømøn, nø latrø sølkantø marøpik køn. Kuaimantsikpe latrø kaik kua nuimpuraptø isupik køn. Bibliape trenchipik køn: “Nøbe pirau maya misaameran maig asha maramig [...] tru sølgandø tabig maig kønrrabigwan maramig tru kan møg treegwan martrai nø lawa wesrua pasriitøga martrab” (Hechos 17:31).

• Tiuspe isa waminchimøn. Bibliape tørkantø eshkan: “Tius tru mana isa waminchimíig [køn]” (Tito 1:2). Inchawai Jeupa nø maik martrap taikwan isømøn, trek martrun (Isaías 55:10, 11). Nøpe martrap misrikwan “Yu Pirau nø karub pasrabig, Satanáswan wambig wegutsik [køntrun]” (Juan 12:31).