¿Yu Pirau chi køpikwan Tius mantø tamartrera?

BIBLIA CHI TAIKWAN

“Nøbe purø nuig, Tius Mayeelaim Pala Pasrabigwei Nusrkain cha wamig kønrrun cha. Inchen Señor Tiusbe tru møskai David wamisra ashib karub waigwan tranrrun [...] Inchen tru nø ashib karub wamibe managuen [patsømøntrun]” (Lucas 1:32, 33, Tius Namun Waminchip).

IK NEPUA KUSREIK NAMUN MANTØ PURUKUNTRERA

• Tius Nø Aship Karup Waikpe ñune purukuntrun (Isaías 48:17, 18).

• Yana palømøn latrø tap Pirøchiku waramik, kasrak kuantrøkeik Tius Nø Aship Karup Waikkutri (Apocalipsis 21:3, 4).

¿NAMPE BIBLIA CHI TAIKWAN CHINCHA KØRENTRAP?

Yu pakatø pøntran eshkapelø:

• Tius Nø Aship Karup Waikpe martrap taikwan Jesúspe kenamarik køn. Jesúspe nui wentautø pøntrapelane maya amø chintrap kusrenanik køn Tius Nø Aship Karup Waikwan, ñi maik marantik køpen Pirøwan marik køntrai chintrikay, taik køn (Mateo 6:9, 10). Trektøwai Jesús tap kenamarik køn øyek køntrun cha.

  Jesús yu Pirau uña parøkui pøntrapelan mamik tranik køn, kuantreelan kusruik køn incha kuapelan katø øsiranik køn (Mateo 15:29-38; Juan 11:38-44). Jeupa Jesúswan aship karup wantrai wesrawa pasrapik køppe misakmeran latrø tapikwan martrap lamøtø kenamarik køn (Apocalipsis 11:15).

• Møiyasrø trømpøik kaik pup pasrapipe kenamaran Tius Nø Aship Karup Waikpe latrø lutau palan. Jesús chap eshkaik Tius Nø Aship Karup Waikpe Pirøwan latrø tapik sruattraptø yu Pirau trømpøik kønøntrun cha, trektøwai kuayapelø, parø køntrun cha (Mateo 24:3, 7).

  Møin kualøm chishtø øyelan aship pøntrer. Ikkutrimpe nampe mur pøntramik Tius Nø Aship Karup Waikwan yantø pestø chishtø kaikwan pinishintrapkøn.