¿Ñui isuinuk Bibliape chi kø?

BIBLIA CHI TAIKWAN

“Pøs Tiuswei wamwan pøriibe kerriguba Tius nui wamwan øyamay chinrrai isungaruben treeg pøriilø køn” (2 Timoteo 3:16, Tius Namun Waminchip).

IK NEPUA KUSREIK NAMUN MANTØ PURUKUNTRERA

Nampe latrø nu paíkwan øsik amønamikwan løtilan Bibliayu wetøtrapkøn (2 Timoteo 2:7).

Kualøm mørik Bibliape pørikwan namune tap maiwan amtrai purukuntrun (2 Pedro 1:19).

Latrø tapikwan munirap køntrai wentøsrøwai (Romanos 15:4).

¿NAMPE BIBLIA CHI TAIKWAN CHINCHA KØRENTRAP?

Yu pønkatø pøntran eshkapelø:

• Bibliape kantø isuik waminchipik køn. Biblian 40 møkelø pøramik, 1600 pilamera katik purampup sratrik køn. Biblian pørøpeløpe nømasitø nepua ashmuinkucha Bibliape kantø isuik tøkaik køn. Bibliape eshkan Tiuswai munchi, Nø Aship Karup Waikwan.

• Pørøpeløpe purayaikwan chi kørmø pørik køn. Pek pørøpelø chishtø purayaikwan eshkamøn inchentø Biblian pørøpeløpe nøm kalø marikwan tapik marikwan chishtø eshkaik køn (Hechos 7:51; 1 Timoteo 1:13).

• Bibliape metrapsrøwai chap eshkaik chishtø øyelø purep atrun. 2.000 pilamerakutri Bibliayupe eshkaik latrø trømpøik purep attrun cha, møya misakmera purø trømpøik marøpkøn (Mateo 24:7, 8; 2 Timoteo 3:1-5).

  Biblia metrapsrøwai latrø nøtrø chap eshkaik chishtø purayailø køn. Inchawai ¿Bibliape Tiuswai wam køn ñikan køretitru? (2 Pedro 1:21).