¿Yaumpuilø kasrak putramik chi palaira?

BIBLIA CHI TAIKWAN

“¡Tius maig taigwan mørøb, maig karuilan mørøbelø, [...] mayanguen tab kuilø køn!” (Lucas 11:28, Traducción del Nuevo Mundo).

IK NEPUA KUSREIK NAMUN MANTØ PURUKUNTRERA

Nampe cierton untakwan wetøtrantrun (Efesios 5:28, 29).

Yaukutrimpe kankutrin kankutri tap køripala putramik køntrun (Efesios 5:33).

Nampe chikøpen kaik pumøntraitamap isuntrun (Marcos 10:6-9).

¿NAMPE BIBLIA CHI TAIKWAN CHINCHA KØRENTRAP?

Yu pakatø pøntran eshkapelø:

• Tiuspe pailø køntrai katøpurø urek tøkakøntrai mara pønsraik køn. Bibliape kusrenanan Jeupape srøteelan pailø køntrai mara pønsraik incha nømun trenchipik køn: “Srøitø srøitø larrø nørrø nemisrtrigay cha. Ñimbe pirøwan netsøgana” (Génesis 1:28). Inchawai nampe asan Tiuspe pailø køntrai mara pønsraik køn. ¿Nampe ikwan tap nepua asik chincha tapik kera?

  Ñipe ikwan isu: Ñipe chikøpen maí mamik mape, ñune mantø nenikwan aship køtan, ¿ñipe mun paitrap? Ñikøn marøpikwan paí.

  Trektøwai ñui yau kasrak putramik ñipe Jeupawan payamik køn. Kakentø Jeupa namune pailø køntrai katøpurø urek tøkakøntrai mara pønsraik køn (Génesis 2:18-24).

• Tius namun isupik køn. Bibliayu tap wammera wetøtrantrun ñipe ñui yaumpueløpa tap putramikwaiyasik. ¿Chincha? “Kaguende nøbe ñimuimburab tab kønrrai isua martrab wabig køn” (1 Pedro 5:6, 7). Jeupa namun tap amtrai isupik køn. Manakucha nø wam tranipe latrø nu purukupik køn (Proverbios 3:5, 6; Isaías 48:17, 18).