Davidpa Saúlpa

David Goliatwan kuetsinukkutri, Saúlpe nui ejérciton metrap aship karup pasrøntrai wesrua pasrik køn. Truyukutri David latrø yam piejes kuayailan kanaikkutri, maya misakmera latrø asik misrik køn. David puikmørik ishumpurmera kasrak køshpunap miirap trenchip utapelø køn: “Saúlpe miles kuetsik køn, inchen Davidpe milespurap más nuken kuetsik køn cha”. Saúl pusrkuai møra Davidwan kuetchap isup mentik køn.

Davidpe arpan latrø may kønapik kuik køn. Kan pieje Saúlwai metrap wamisra kønap wapen, Saúlpe lanzatøka søl puntrain kuchen, David turiapen aparedyutø pasram kutsik køn. Latrø yam piejes kuetchap intikkutri, desiertosrømay trupap yaik køn.

Treekkutri, Saúl 3.000 suldaumerapa Davidwan lantrap wepipik køn. Kan pieje Davidpa nøpa trupapeløpa sruk yampu warøpen Saúl truyu nøtø kepatruptinchen, tru møkeløpe Davidwan niløchiktø trenchipelø køn: “Møimpe si Saulwan kuetchik cha”. Saúl mørmuatø pulu kemalla, nui kewa kuikwan piti parape, tru urastø Davidpe tap kømui mørøraik køn, kakentø Jeupa lawa wesruikwan kørikpala pasrømuikkutri. Inchawai Saúlwan chikucha marpashmuik køn. Saúl wepia ipen, David trenchipik køn: “Ñun kuetchipsrupreintrun, inchentø na chikucha marmur”. ¿Øyeek purayaikkutri Saúlpe Davidwan tap aship mentik kø chintera?

Treek kuintøkucha Saúlpe Davidwan katøkucha kuetchap pasrarik køn. Kan yem Davidpa, Abisáipa, Saúl nui ejércitopa waraiksrømay ampa, Saúl kip tsuinuk kepampa, Abisáipe Davidwan trenchipik køn: “¡Møintøwain køn, Saúlwan kuetchipashcha!”. Inchen Davidpe trenchipik køn: “Ka køpash, Jeupa nø ashchun. Nui lanzanpa, nui pi mutsikwanpa srua amkun cha”.

Truyukutrimpe David pintrøkesrø nepia trenchipik køn: “¡Abner! ¿Chinchip waku ashmøpe? ¿Ñui reywai lanzapa, nui pi mutsik jarrapa chu pøntra cha?”. Saúl Davidwai wamwan mørape trenchipik køn: “Ñi nan kuetchipsruintrun, inchentø treekwan marmuikkutri nepua ashar, ñi Israelsrø rey køntrap kui”. Truyukutri Saúlpe nui yamay ipik køn. Saúlwai yawelø mayampa Davidwan namik kui ashmeelø kuik køn.