Sección 8yu chi asamikwan kenamarøpik

Jeupape Salomónwan latrø nu tapelø tranik køn latrø nu kusrepik køntrai, nui templon martrai. Inchentø Tiuswainukkutri tarømisrøp yaik køn. Ñi urekmera tøkakuape tørtø kenamar, tru taska marik tiusmeran adorapelø Salomónwan Jeupawainukkutri tarømisrinkaruikwan. Israelsrø aship karup pasraik pirishipen, reyesmera kailø kuikkutri maya israelitasmeran Jeupawainukkutri tarømisrtrai, taska marik tiusmeran adorantrainkaruik køn. Tru urassrøntøwai yam Tiuswaiwan eshkapelø pasrarilø køp, møilane kuetsilø kuik køn. Aship karup pasraik nortesrø reina Jezabel nø karup pasraikkutri, israelitasmeran Jeupawainukkutri tarømisrtrai marik køn. Latrø trømpø kualømmera puintøkucha yam israelitasmera, tru utu rey Jehosafat, Tiuswaiwan eshkapik Elíaspa Jeupawainukkutri tarømisrmø pøntraik køn.