¿Maya misakmeran lata ashchai nepua maramtik kø chintera? | ¿Bibliape manchipik kø?

Møiløpe maya misakmeran lata ashchai yantø nepumkeik kui isupelø køn.

Naciones Unidasyuik secretario general António Guterres trentaik køn: “Pirø mupa kuimpurap misakmerape chi misakmera køpenwan lata ashchap inchimelø køn, truikpe urkanisasiunesmeran misakmerai øsik amønaikwankucha mintiship pasran cha, tru kaik mø lataik”.

¿Manakøpen misakmerape katøkan misakmeran lata ashchera? ¿Bibliape manchipik kø?

¿Maya misakmeran lata asamikwaimpurap Tiuspe chi isupik kø?

Bibliape kusrenanøpik køn Tius maik ashipik kuikwan chi misakmera køpenwan.

Hechos 17:26 trenchipik køn: “[Tiuspe] kan møkkurrindø truyugurri chi misaatø larrøbichib inrrabigwan nøbe marig købig køn cha”.
Hechos 10:34, 35yu trenchipik køn: “Tiusbe møilane ørømara katøganelandø tab inchimøtø lata isubig kuin kui. Misaamera nørrø pønrrabig chu pirausreeløtøgucha nun køriibala marøb, sølgandø tabig marøbigwane Tiusbe kashmíig køn cha”.

Bibliape trenchipik køn maya misakmera kan yaweløtø kui. Treekkutri, Tiuspe maya misakmeran kashmíik køn cha.

¿Maya misakmeran lata ashchaimpe mantø nepua marik køntrera?

Srømpalasrønkutri Tius Nø Aship Karup Waikpe sí nepua martrap køn. Tru aship karup waikpe misakmeran kusrenantrun mayelan lata asamik. Misakmerape chi misakmera køpenwan nøørø marmumik kusrentrun.

Isaías 26:9yu trenchipik køn: “Yu Pirau warapeløpe sølwan maram kusrentrun”.
Isaías 32:17yu trenchipik køn: “Sølwan marikkutri manakatikwai pishintø tap warøntrun”.

Møyampe, latrø yam misakmera Biblian kusreikkutri katøkanelan kørikpala tap ashipelø køn.

Ikpurap mas nepua ashchappe, pørin kilka ¡Despertad! wan leu: “¿Tiene cura el prejuicio?”.
Møskaløpe nømui urekmerapa ikpurap mantø wamintamikwan nepua ashchappe, ikwan leu: “¿Cómo hablar con sus hijos sobre el racismo?”.