Naayinɛ N Naam Kolekpabɛ’a La?

Baabule la lebesego

Baabule la basɛ ti to baŋɛ ti Naayinɛ ka naam Kolekpabɛ’a la. Ge a naam en mɛ ge ti a nyaa ta dɛna Kolekpabɛ’a la. Baabule la tɔɣɛ Naayinɛ yele yeti: “A tuuma woo dela ma’a, se’ere n sɔi la a yɛla woo dela tontɔɔ gakerɛ. Naayinɛ n tari yelemɛŋɛrɛ ge ka tuna ŋmɛlema tuuma; a dela tontɔɔdaana.” (Tɛɛnhegɔ 32:3-5) Yetɔɣebuna wa basɛ ti to baŋɛ ti Sitaana Kolekpabɛ’a la yuun dela mina n ani kasi, dɛna tontɔɔdaana ge me yuun dɛna maleka.

Yon 8:44 poan, Yezu tɔɣɛ Kolekpabɛ’a la yele ti a “ka ze’ele yelemɛŋɛrɛ la poan,” ti la pa’alɛ ti Sitaana yuun pɔsɛ dɛna la mina n tari yelemɛŋɛrɛ ge me ka tara be’em.

Wuu Yehowa malesi la za’a n di mi’a se’em la, maleka sɛka n yuun ta dɛna Sitaana la, yuun boi la fai ta’an loe sɛla n ani soŋa bo amea. Eŋa n yuun isige giisɛ Naayinɛ ge me pã’asɛ nɛra la a pɔɣa la n deŋɛ nɛŋa ti ba pa a poore la, a yuun nyaa dela Sitaana, ti la vuurɛ dɛna ‘A Kan Nam.’​—Pin’ileŋɔ 3:1-5; Liligere 12:9.