Naayinɛ N Basɛ Ti Namesegɔ Bɔna?

Baabule la lebesego

Baabule la kɔ’ɔn yeti aayi! Namesegɔ ka laɣum pa’asɛ Yehowa Naayinɛ puti’irɛ ti a tara bɔ’ɔra asaala la poan. Ge nɛra la a pɔɣa la ti ba yuun naam yia la yuun eŋɛ la tubekakpirega giisɛ Naayinɛ bisega la ge loe bamam mea n boti sɛla. Ba yuun zaɣesɛ Naayinɛ mɛ, ti namesegɔ paɛ ba.

Ban yuun eŋɛ sɛla n ka ani soŋa la zuo ti namesegɔ me paara tɔ. Ge bala ka pa’alɛ ti Naayinɛ n basɛ ti asaaleba namesa.

Baabule la yeti: ‘Wuŋerɛ san paɛ nɛra, a da makɛ yeti: Naayinɛ n basɛ ti mam namesa. Se’ere n sɔi la nɛra kan ta’an dekɛ wuŋerɛ paɛ Naayinɛ, a me ka basɛ ti wuŋerɛ paara nɛra.’ (Yames 1:13) Namesegɔ ta’an paɛ nɛra woo​—hali la Naayinɛ nɛreba me.