Baabule La Dela Bem Gɔŋɔ?
Hon wan yeti ku dela . . .
gɔŋɔ n tari asaala puti’irɛ?
sɔlema gɔŋɔ?
Naayinɛ Yetɔɣum?
BAABULE LA N YELE SE’EM
“[Naayinɛ] n daa bahɛ te nɛreba golehɛ a yetɔgom la woo.”—2 Timoti 3:16, Yenɛ Gɔŋɔ—Farefare.
BALA N WAN BASƐ TI HO VOM ANA SE’EM
Ho wan nyɛ lebesego n kɛ̃’ɛri suure ho vom poan.—Magaha 2:1-5.
Ho wan nyɛ soŋerɛ ho daarewoo tuuma poan.—Yooma 119:105.
Ho wan tara beere sa’am puti’irɛ.—Arom 15:4.
TO WAN SIRUM SAKƐ BAABULE LA N YETI SƐLA LA?
Ɛɛ, yeen bisɛ yɛla atã wa ma’a:
Kɔ’ɔn naɛ ti la dɛna yelenyalema. Nɛreba 40 n dekɛ yuun 1,600 gulesɛ Baabule la. Nɛrebana wa yuun ka tabelɛ seke taaba. La bala la za’a la, gɔŋɔ la kɔ’ɔn naɛ mɛ ge tara yelezure ayina!
Daami yɛla n de yelemɛŋɛrɛ. Daami yɛla gulesegɔdoma ni ka sakɛ piregera ba nɛreba nyanɛ. Ge Baabule gulesegɔdoma la yuun gulesɛ la sɛla woo, hali bamea la ba tiŋa nɛreba n tue se’em.—2 Yelebiŋ’a 36:15, 16; Yooma 51:1-4.
Yetɔɣebiŋere n de yelemɛŋɛrɛ. Baabule la puɣum pa’alɛ daami Babilon tiŋa n wan nyɛ sa’aŋɔ se’em yuun 200 n tole. (Isaiah 13:17-22) La yuun ka pa’alɛ la Babilon n wan nyɛ sa’aŋɔ se’em ma’a ge la yuun pa’alɛ mina n wan zabɛ nyaŋɛ ka!—Isaiah 45:1-3.
Baabule yetɔɣebiŋa zo’e zo’e sirum tum tuuma mɛ ta tuɛ ti sɛla ka gee. Daɣɛ bala ti Naayinɛ Yetɔɣum la yele?—2 Peter 1:21.
TI’ISƐ BISƐ
Naayinɛ Yetɔɣum la wan ta’an tee ho vom la wani?
Bisɛ Baabule la n lebese sokere wa se’em ISAIAH 48:17, 18 la 2 TIMOTI 3:16, 17.