Beni N Wan Basɛ Ti Deodoma Tara Pupeelum?

BAABULE LA N YELE SE’EM

“Popeelom ton bɔna la sɛba n kelehere [Naayinɛ] yelehom ge eta n bote ba eta se’em la!”—Luke 11:28, Yenɛ Gɔŋɔ—Farefare.

BALA N WAN BASƐ TI HO VOM ANA SE’EM

Ho wan nyɛ suure poan nɔŋerɛ.—Epesus 5:28, 29.

Ho wan nyɛ na’asegɔ.—Epesus 5:33.

Ho wan tara suma’asum.—Mark 10:6-9.

TO WAN SIRUM SAKƐ BAABULE LA N YETI SƐLA LA?

Ɛɛ, yeen bisɛ yɛla ayi wa ma’a:

• Naayinɛ n de deodoma woo Zuodaana. Baabule la yeti, Yehowa to Naayinɛ “n de sɔ bo yiredoma” woo. (Epesus 3:14, 15) Wana pa’alɛ ti Yehowa n basɛ ti deodoma woo bɔna. Beni n sɔi ti yele dena dɛna sira?

  Makɛ bisɛ: Ho nyɛ la dia dita ti ka za’asum ti ho bɔta ho baŋɛ ka duka, ani ti ho wan soke baŋɛ? Nɔkpe’ene kai ti ho wan soke la mina n duɣɛ dia la.

  Bala mea nɔɔ ti ho san bɔta ho baŋɛ sɛla n wan basɛ ti deodoma tara pupeelum dela ho soke Yehowa, mina n basɛ ti deodoma woo bɔna la.—Pin’ileŋɔ 2:18-24.

• Naayinɛ ti’isi ho yele mɛ. To san bisɛ yɛm sore poan, deodoma woo nari ti ba basɛ ti Yehowa ka’ana ba doose a Yetɔɣum la poan. Bem zuo? “A dela se’em n tare ya a putɛn’ɛrɛ poan.” (1 Peter 5:6, 7) Yehowa tɛri ho yele mɛ—ge ti a ka’aŋɔ me kɔ’ɔn tara nyuurɔ tɛm woo!—Magaha 3:5, 6; Isaiah 48:17, 18.