ZASEŊƆ 03
Hon Sakɛ Ti Baabule La N Yele Sɛla La Dela Yelemɛŋɛrɛ?
Baabule la tari la pu’ulumbiŋa la ka’aŋɔ zo’e zo’e. Daanse’ere ho iŋa n kiti ti ho baŋɛ Baabule la n pa’alɛ sɛla la ge ho nyɔkeri la homea. La nari ti ho sakɛ bo gɔnkɛka wa pu’ulumbiŋa la a ka’aŋɔ la yoi? Hon wan sirum nam Baabule la n yeti to wan tara pupeelum nananawa la beere sa’am la? Nɛreba zo’e zo’e nam mɛ. To boti la homea viisɛ baŋɛ yɛla la.
1. Yelese’a n boi Baabule la poan sirum dela yelemɛŋɛrɛ?
Baabule la tari la “yelemɛŋɛrɛ yɛla.” (Pa’ala 12:10) Ku tɔɣɛ la yelese’a n tabelɛ eŋɛ la nɛreba yɛla. (Kaalɛ Luke 1:3; 3:1, 2.) Nɛresɛba n zamesɛ diimi yɛla la sɛba n tu’uri tiŋa viisa diimi yɛla basɛ ti la niɛ peelum ti, dabesa poan yɛla, nɛreba yɛla, zɛse’esi la yelese’a ti Baabule la tɔɣɛ la dela yelemɛŋɛrɛ.
2. Beni n sɔi ti to wan ta’an yeti Baabule la kelum tara nyuurɔ mɛ?
Yɛla zo’e zo’e poan, Baabule la puɣum tɔɣɛ yɛla mɛ ti la nan ka eŋɛ. Makerɛ n wana, ku tɔɣɛ naaŋɔ lɔɣɔrɔ zamesegɔ yɛla mɛ. Ku tɔɣɛ la yɛla ti nɛreba zo’e zo’e yuun ka sakɛ ti la dela yelemɛŋɛrɛ. Ge zina beere wa naaŋɔ lɔɣɔrɔ zamesegɔ yɛla basɛ ti la niɛ peelum ti Baabule la n yele sɛla la dela yelemɛŋɛrɛ. Ku yelesum la “dela sira nananawa ge bɔna bala wuusa.”—Yooma 111:8.
3. Beni n sɔi ti la nara ti to sakɛ bo Baabule la n tɔɣɛ beere sa’am yele se’em la?
Baabule la tari la yetɔɣebiŋaa n pa’alɛ “yelese’a n nan ka eŋɛ kurum.” (Isaiah 46:10) Ku yuun tɔɣɛ la yɛla zo’e zo’e biŋe ge ti pooren, la nyaa pɔsɛ tuna tuuma. Ku le tɔɣɛ pa’alɛ zina beere wa yɛla mɛ nima nima. Zaseŋɔ wa poan, to wan viisɛ baŋɛ Baabule yetɔɣebiŋa la ase’a. La sirum tuni se’em la dela pakerɛ!
VIISƐ PA’ASƐ
Zamesɛ baŋɛ zina beere wa naaŋɔ lɔɣɔrɔ zamesegɔ yɛla n makɛ la Baabule la se’em ge viisɛ bisɛ Baabule yetɔɣebiŋa ase’a n kɛ̃’ɛri suure se’em.
4. Naaŋɔ lɔɣɔrɔ zamesegɔ yɛla makɛ mɛ la Baabule la
Diimi sa la, nɛreba zo’e zo’e yuun ti’isɛ ti tingɔŋɔ la yaɣɛ la sɛla zuo. Ŋmɛ VIDIYO la.
Bisɛ Yob gɔŋɔ la n yele se’em yuun 3,500 n tole la. Kaalɛ Yob 26:7 ge nyaa sɔsɛ sokere wa:
Beni n sɔi ti gulesegɔ la n yeti tingɔŋɔ la yuli la “yɔi” la dɛna pakerɛ?
La yuun dela yuun 1800 bɔba yɛ’ɛsa ti nɛreba nyaa bɔkɛ ko’om n teeri se’em niira saa. Ge bisɛ Baabule la n yele sɛla yuuma zo’e zo’e n tole la. Kaalɛ Yob 36:27, 28 ge nyaa sɔsɛ sokere ana wa:
Beni n sɔi ti gulesegɔ wa n pa’alɛ ko’om n teeri se’em niira saa la kɛ̃’ɛra suure?
Baabule gulesegɔ la ti hon nan kaalɛ wa basɛ ti hon sakɛ bo Baabule la?
5. Baabule la yuun tɔɣɛ ninmɔ’ɔrɛ yɛla biŋe mɛ
Kaalɛ Isaiah 44:27–45:2 ge nyaa sɔsɛ sokere wa:
Yuun 200 n tole ge ti Babilon nyaa lui la, Baabule la yuun puɣum tɔɣɛ de yele nima nima la wani?
Diimi yɛla basɛ ti la niɛ peelum ti, Kirus n yuun de Persia Naba la a soogɛpa yuun nyaŋɛ Babilon tiŋa la yuun 539 G.Y.B.b Ba yuun ga’ɛ kulesɛka ko’om n yuun gu tiŋa la mɛ. Ba yuun doose tiŋa la yasi se’esi n ka paɣɛ la kɛ̃ la, ba yuun ka zabɛ ge nyaŋɛ ba. Zina wa, la gaŋɛ yuun 2,500 n wana, ti Babilon lebege daboo gã. Bisɛ Baabule la n tɔɣɛ sɛla biŋe.
Kaalɛ Isaiah 13:19, 20 ge nyaa sɔsɛ sokere wa:
Sɛla n yuun eŋɛ Babilon tiŋa la pa’alɛ ti yetɔɣebiŋere wa tum tuuma la wani?
Zina beere wa, Babilon n de daboo gã se’em Iraq tiŋa n wana
6. Baabule la puɣum tɔɣɛ yelese’a ti to nyɛta wa yele mɛ
Baabule la yeti to kɔ’ɔn bɔna la “ba’asegɔ dabesa la” poan. (2 Timoti 3:1) Bisɛ Baabule la n pa’alɛ yelese’a n wan ita ba’asegɔ dabesa wa poan:
Kaalɛ Matu 24:6, 7 ge nyaa sɔsɛ sokere wa:
Bem yɛla ti Baabule la yeti la wan ita ba’asegɔ dabesa wa poan?
Kaalɛ 2 Timoti 3:1-5 ge nyaa sɔsɛ sokere ana wa:
Baabule la pa’alɛ ti nɛreba wan tara la hala ani taaba ba’asegɔ dabesa wa poan?
Hala aŋa bɛɛ ti hon nyɛta?
NƐREBA BASƐBA YETI: “Baabule la dela pumpɔreŋɔ la sɔlema gɔŋɔ.”
Bem n basɛ ti hon sakɛ ti Baabule la dela yelemɛŋɛrɛ gɔŋɔ?
YELEKPINE
Diimi yɛla, naaŋɔ lɔɣɔrɔ zamesegɔ yɛla la yetɔɣebiŋere yɛla za’a pa’alɛ ti ho ta’an sakɛ bo Baabule la.
Tiisegɔ Sokere
Baabule la dela yelemɛŋɛrɛ bii pumpɔreŋɔ gɔŋɔ?
Bem yɛla ti naaŋɔ lɔɣɔrɔ zamesegɔ yɛla tɔɣɛ ti la makɛ la Baabule la?
Hon ti’isɛ ti Baabule la tɔɣɛ yelese’a n wan eŋɛ beere sa’am? Bem zuo?
Ɛ BISƐ
Baabule la tɔɣɛ naaŋɔ lɔɣɔrɔ zamesegɔ yɛla tue me yoi?
“Naaŋɔ Lɔɣɔrɔ Zamesegɔ Yɛla La Baabule La Makɛ Taaba?” (La boi jw.org)
Bem yɛla n sirum iti “ba’asegɔ dabesa” wa poan?
“Baabule Yetɔɣebiŋa 6 N Tuni Tuuma Zina” (The Watchtower, May 1, 2011)
Zamesɛ baŋɛ Baabule la n tɔɣɛ Greek Sɔ’ɔlum la yele se’em ti la sirum tum tuuma.
Zamesɛ baŋɛ Baabule yetɔɣebiŋa n tee buraa kayima n yuun geele Baabule la se’em.
“Mam Yuun Ka Ti’isɛ Ti Naayinɛ Boi” (The Watchtower No. 5 2017)
a Yetɔɣebiŋa dela Naayinɛ yelesum n tɔɣɛ beere sa’am yɛla.
b G.Y.B. vuurɛ dela “Ge Yɔɔma Beere paɛ” ge ti Y.B. vuurɛ dɛna “Yɔɔma Beere.”