ZASEŊƆ 14
To Wan Eŋɛ La Wani Ti Naayinɛ Puurɛ Pee La To Pu’usegɔ?
Wuu to zamesɛ sɛla zaseŋɔ sɛka n tole la, la daɣɛ pu’usegɔ woo n peeri Naayinɛ puurɛ. Ge to ta’an pu’usa to Naaŋɔdaana la sarɔsɛka poan ti a puurɛ wan pee. ‘Pu’usegɔ kani taaba’ n basɛ ti a puurɛ pɛɛra? (Yames 1:27, tiŋanɔɔrɛ yelesum) Geele bisɛ Baabule la n pa’alɛ sɛla.
1. Bem n nari ti la pa’ala to wan pu’usa se’em?
Baabule la n pa’ali to wan pu’usa se’em. Yezu yuun yele Naayinɛ yeti: “Ho yetɔɣum la dela yelemɛŋɛrɛ.” (Yon 17:17) Pu’usegɔ basɛba zaɣesɛ yelemɛŋɛrɛ la n boi Naayinɛ Yetɔɣum la poan mɛ. Ba dekɛ la asaala pa’alegɔ la yaabedoma yɛla tee soe Baabule la. Ge Yehowa puurɛ ka pee la sɛba n “zaɣesɛ Naayinɛ nɔya la.” (Kaalɛ Mark 7:9.) Ge to san gurɛ Baabule pa’alegɔ la kankaŋi ge dɔla ku ka’aŋɔ la, bala wan basɛ ti a puurɛ pee.
2. To nari ti to pu’usa Yehowa la wani?
Yehowa n de to Naaŋɔdaana la zuo, eŋa ma’a n nari ti to pu’usa en. (Liligere 4:11) Wana wa pa’alɛ ti la dela to nɔŋɛ en ge pu’usa eŋa ma’a ge da tara baɣerɛ bii sɛla wɔnɛ laɣum pu’usa.—Kaalɛ Isaiah 42:8.
To pu’usegɔ dela la “ana zilam ge nara” Yehowa nɛŋan. (Arom 12:1) Wana vuurɛ dela to dɔla a sareŋɔ pa’alegɔ la. Makerɛ, sɛba n nɔŋɛ Yehowa la doli eŋa n pa’alɛ pɔɣedire yele se’em mɛ. Ba me yese bamea yelese’a n wan ta’an sa’am ba wuu taba dia, tiyooro nyua bii daambuka poan.a
3. Beni n sɔi ti la nara ti to naɛ la to pu’usegɔ tadaandoma pu’usa Yehowa?
Bakwai zamesegɔ la bo’ori to la yɔ’ɔ ti to “pɛɣɛ Yehowa . . . tansugere la poan.” (Yooma 111:1, 2) Sarɔɔ kuyima ti to ita wana wa dela to yuuni yuuma pɛɣera to Naayinɛ la. (Kaalɛ Yooma 104:33.) Yehowa yele to ti to kena zamesegɔ se’ere n sɔi la a nɔŋɛ to mɛ ge mina ti zamesegɔ la wan soŋɛ tɔ ti to tara vom somɔ daarewoo. To san laɣum taaba kpɛmesa taaba giila, to nyɛti la nyuurɔ.
VIISƐ PA’ASƐ
Viisɛ baŋɛ sɛla n sɔi ti Yehowa ka bɔta ti to tara wɔsum lɔɣɔrɔ pu’usa en. Zamesɛ baŋɛ sarɔseto ti to wan ta’an dɔla pɛɣera Naayinɛ.
4. To da tara wɔsum lɔɣɔrɔ pu’usa
To eŋɛ la wani baŋɛ ti to san ita bala to sa’ani la Naayinɛ suure? Ŋmɛ VIDIYO la ge nyaa sɔsɛ sokere wa:
Baabule saŋa la, bem n yuun eŋɛ se’em ma’a ti Naayinɛ nɛreba basɛba yuun ni doose baɣerɛ poan ti ba pu’use en la?
Basɛba ti’isɛ ti ba wan ana du’a du’a la Naayinɛ ba san dɔla wɔsum lɔɣɔrɔ poan pu’usa en. Ge ba san ita bala, la tuɣum kan basɛ ti a zãɛ la ba? Kaalɛ Yɛhega 20:4-6 la Yooma 106:35, 36 ge nyaa sɔsɛ sokere ana wa:
Bem lɔɣɔrɔ ti ho nyɛ ti nɛreba tara pu’usa?
La ani Yehowa la wani la nɛreba n tari wɔsum lɔɣɔrɔ pu’usa en la?
La ani hon la wani la nɛreba n tari wɔsum lɔɣɔrɔ pu’usa la?
5. To san pu’usa Yehowa ma’a, bala n wan faaɛ to pumpɔreŋɔ yɛla poan
Bisɛ to san pu’usa Yehowa soŋa soŋa bala n wan ta’an faaɛ to pumpɔreŋɔ yɛla poan se’em. Ŋmɛ VIDIYO la.
Kaalɛ Yooma 91:14 ge nyaa sɔsɛ sokere wa:
Yehowa biŋe nɔɔrɛ ti a eŋɛ la bem bo to, to san nɔŋɛ en ge pu’usa eŋa ma’a?
6. To pu’useri Naayinɛ mɛ to tansugere zamesegɔ poan
To pɛɣeri Yehowa mɛ ge kpɛmesa taaba giila doose la to yuuni ge bɔ’ɔra lebesego tansugere zamesegɔ poan la. Kaalɛ Yooma 22:22 ge nyaa sɔsɛ sokere ana wa:
Hon puurɛ ni pee la nɛreba n ni bɔ’ɔra lebesego zamesegɔ poan se’em la?
Ho wan bɔta ti ho me maasum ge bo lebesego?
7. Yehowa puurɛ ni pee mɛ to san tɔɣera to zamesɛ sɛla la bɔ’ɔra nɛreba
Sarɔtɔ la zo’e mɛ ti to wan ta’an doose tɔɣɛ Baabule yelemɛŋɛrɛ la bo nɛreba. Kaalɛ Yooma 9:1 la 34:1 ge nyaa sɔsɛ sokere wa:
Bem yele ti hon zamesɛ Baabule la poan ti ho wan bɔta ti ho tɔɣɛ bo se’em me?
NƐREBA BASƐBA YETI: “La kan ta’an eŋɛ ti ho pee Naayinɛ puurɛ.”
Hon puti’irɛ dela deni?
YELEKPINE
To san pu’usa to Naaŋɔdaana la ma’a, pɛɣera en tansugere zamesegɔ poan ge tɔɣera to zamesɛ sɛla la bɔ’ɔra nɛreba, bala ni basɛ ti a puurɛ pee mɛ.
Tiisegɔ Sokere
To wan eŋɛ la wani ta’an baŋɛ to wan pu’usa Naayinɛ se’em ti a nana?
Beni n sɔi ti la nara ti to pu’usa Yehowa ma’a?
Beni n sɔi ti la nara ti to naɛ la sɛba n boti ba basɛ ti Naayinɛ puurɛ pee la pu’usa en?
Ɛ BISƐ
Kaalɛ “Mam Ka Le Dɔla Baɣa Pooren”, nyɛ pɔka ayima n eŋɛ seʼem nyaŋɛ yese amea baɣa tuuma poan.
“Baabule La Teeri Nɛreba Vom Mɛ” (The Watchtower, July 1, 2011)
Zamesɛ baŋɛ sɛla n wan ta’an soŋɛ hɔ ti ho ta’an bɔ’ɔra lebesego zamesegɔ poan.
“Pɛɣɛ Yehowa Tansugere La Poan” (The Watchtower, January 2019)
Bisɛ bunbilipaalega kayima n yuun tiregɛ kena tansugere zamesegɔ ge nyɛ nyuurɔ se’em.
Nɛreba zo’e zo’e dekɛ pumpuuredɔɔ ti la dɛna la Kristakɔma pu’usegɔ lɔkɔ ge la nari ti to tara de pu’usa?
“Beni N Sɔi Ti Yehowa Sɛɛradoma Ka Tara Pumpuuredɔɔ Pu’usa?” (La boi jw.org)
a To wan ta zamesɛ yele ana wa pooren zamesegɔ la poan.