Tansugere La N Tigese Se’em

Yehowa dela Naayinɛ n tigese a yɛla ma’a ma’a. (1 Korint 14:33) Bala la, to tari puti’irɛ ti a wan tigese a nɛreba soŋa soŋa. Ba tigese Kristakɔma tansugere la, la wani? To wan eŋɛ la wani ta’an soŋɛ ti la ze’ele?

1. Ani n de tansugere la zuodaana?

“Krista n de tansugere la zuodaana.” (Epesus 5:23) A boi la saazuo ge bisera Yehowa nɛreba n tuni se’em tingɔŋɔ wa zuo. Yezu n loe “sakerɛ la yɛm yameŋa la” ​—n de keendoma fii n bĩ vo’osum poan ti ba yi’iri ba ti Tigere Zuo Bisegadoma. (Kaalɛ Matu 24:45-47.) Wuu yuun kɔbesɛka n deŋɛ nɛŋa tuuntuneba la keendoma n yuun boi Yerusalem tuna se’em la, Tigere Zuo Bisegadoma la me pa’ali la tingole wa za’a waabi tansugere la. (Tooma 15:2) Ge buraasi wa daɣɛ to tigere la nɛŋadoma. Ba basɛ ti Yehowa la a Yetɔɣum la n pa’ala ba ge ti ba me siregera bamesi bɔ’ɔra Yezu n de zuodaana la.

2. Keendoma tuunɛ dela bem?

Keendoma dela Krista buraasi n bĩ vo’osum poan tara Baabule la pa’ala, bisera Yehowa nɛreba, soŋera ba ge me kpɛmesa ba giila. Ba ka yɔɔri ba la ba tuuma la. Ge ba tuɣum ‘yese ba suure poan tuna bɔ’ɔra Naayinɛ; daɣɛ ti ba nɔŋɛ la kinkisum lɔɣɔrɔ zuo ge ba tuni mɛ la pupeelum.’ (1 Peter 5:1, 2) Keendoma soŋeredoma n soŋeri keendoma la ge me ni kumesɛ ta’an ta dɛna keendoma.

Tigere Zuo Bisegadoma la n ni loe keendoma basɛba ti ba dɛna gingilega kaarɛ bisegadoma. Ba kaari tansuga la mɛ bisa ge bɔ’ɔra ba pa’alegɔ la giilekpeŋere. Ba ni doose la Baabule la n pa’alɛ keendoma la keendoma soŋeredoma n nari ti ba ana se’em la loe ba.​—1 Timoti 3:1-10, 12; Titus 1:5-9.

3. Sɛɛradaana woo tuunɛ dela bem?

Nɛra woo n boi tansugere la poan ni “pɛɣɛ Yehowa yu’urɛ la” mɛ doose la ba keni na’am mɔɔlegɔ ti la makɛ la ba bɔŋa zɛ’an n ani se’em la.​—Kaalɛ Yooma 148:12, 13.

VIISƐ PA’ASƐ

4. Yezu dela nɛŋadaana n ani mama

Yezu beem to mɛ la pupeelum. Kaalɛ Matu 11:28-30 ge nyaa sɔsɛ sokere wa:

• Yezu boti la ana to la wani la eŋa n de to nɛŋadaana la?

VIDIYO: Keendoma N Soŋɛ Se’em Nepal Tinmiiŋo Saŋa La (4:56)

Baabule la pa’alɛ keendoma n nari ti ba tuna ba tuuma la se’em.

Kaalɛ Isaiah 32:2 la 1 Peter 5:1-3 ge nyaa sɔsɛ sokere ana wa:

• La ani hon la wani la hon baŋɛ ti keendoma la mɔɔri mɛ ti ba basɛ ti la ana nɛreba mama wuu Yezu la?

• Sarɔtɔ ani poan ti keendoma la tɔɣesa Yezu?

5. Keendoma tari la makesonɛ ba pa’alegɔ poan

VIDIYO: Keendoma N Boi Nɛŋa Bisera! (7:39)

Yezu yuun eŋɛ la makerɛ pa’alɛ sɛba n boi nɛŋa tansugere la poan la n wan ita se’em. Kaalɛ Matu 23:8-12 ge nyaa sɔsɛ sokere wa:

• Bem n basɛ ti hon puurɛ pee la hon nyɛ Baabule la n pa’alɛ keendoma n nari ti ba ana se’em, ti la bɔna de to’ore la sɛla ti ho nyɛta pu’usegɔ nɛŋadoma zɛ’an la?

1. A. Keendoma zameseri mɛ ge me bisera ba deodoma soŋa vo’osum poan

2. B. Keendoma kɔ’ɔn bisa nɛra woo n boi tansugere la poan mɛ

3. D. Keendoma kɔ’ɔn mɔɔla mɛ saŋa woo

4. E. Keendoma dela pa’alegɔdoma. Ba me laɣum soŋera mɛ piisa ge tuna tuuma ase’a

6. To wan ta’an tara nɔyinɛ la keendoma la

Baabule la pa’alɛ la de ninmɔ’ɔrɛ se’em ti to tara nɔyinɛ la keendoma la. Kaalɛ Hebru 13:17 ge nyaa sɔsɛ sokere ana wa:

• Yɛm boi bim la Baabule la n yele to ti to nana ge siregera tomea bɔ’ɔra sɛba n boi to nɛŋa la? Bem zuo?

Kaalɛ Luke 16:10 ge nyaa sɔsɛ sokere wa:

• Beni n sɔi ti la dɛna ninmɔ’ɔrɛ ti to tara nɔyinɛ la keendoma la hali la yelepiɣesi poan?

YELEKPINE

Yezu n de tansugere la zuodaana. To ni yese la to suure za’a naɛ la keendoma la dɔla Yezu sɛla n sɔi la, ba basɛ ti la ana to la mama ge me tara makesonɛ.

Tiisegɔ Sokere

• Ani n de tansugere la zuodaana?

• Keendoma soŋeri tansugere la, la wani?

• Tuundeni ti se’em woo n pu’useri Yehowa tara?

Ɛ BISƐ

Bisɛ yelese’a n pa’alɛ ti Kristakɔma yele pakɛ Tigere Zuo Bisegadoma la, la keendoma la mɛ zina beere wa.

Kpemese Mabiisi La Giila, Ba San Dekɛ Nu’o Paɣelɛ Ya Tuuma La Zuo (4:22)

Zamesɛ baŋɛ gingilega kaarɛ bisegadoma tuuma n ani se’em.

Tinkpɛŋa Gingilega Kaarɛ Bisegadaana Tuuma N Ani Se’em (4:51)

Kaalɛ baŋɛ pɔɣesi tuuma tansugere la poan.

“Yehowa Sɛɛradoma Pɔɣesi Tɔɣeri Baabule Yɛla Pa’ala Nɛreba?” (The Watchtower, September 1, 2012)

Viisɛ baŋɛ keendoma n iti se’em kpɛmesa mabiisi la giila.

“Kristakɔma Keendoma Dela To ‘Tuuntuneba Tadaandoma N Soŋeri Tɔ Ti To Tara Nyɛɛma’” (The Watchtower, January 15, 2013)