Pigera Zontua INTANƐT TUUMA ZƐ'AN GƆNƆ ZAALEŊA
Pigera Zontua
INTANƐT TUUMA ZƐ'AN GƆNƆ ZAALEŊA
Farefare
Ɛ
  • ã
  • ɛ
  • ɛ̃
  • ɣ
  • ŋ
  • ɔ
  • ɔ̃
  • BAABULE
  • GƆNƆ
  • ZAMESEGƆ
  • lff zaseŋɔ 21
  • Sore Dene Poan Ti Ba Mɔɔla Yelesoma La?

Vidiyo ka boi kalam.

Gaafara, daaŋɔ fii n boi vidiyo la poan.

  • Sore Dene Poan Ti Ba Mɔɔla Yelesoma La?
  • Tara Vom Somɔ Daarewoo!—Baabule Zamesegɔ N Wan Soŋɛ Hɔ
  • Zupiɣesi
  • Ka Taaba
  • VIISƐ PA’ASƐ
  • YELEKPINE
  • Ɛ BISƐ
  • Hon Wan Eŋɛ La Wani Ta’an Laɣum Mɔɔla Yelesoma La?
    Tara Vom Somɔ Daarewoo!—Baabule Zamesegɔ N Wan Soŋɛ Hɔ
  • To Tigese Tomea La Wani Tuna Na’am Mɔɔlegɔ Tuuma La?
    Bani N Tuni Yehowa Puti’irɛ N Boti Sɛla Zina Wa?
  • Hon Wan Eŋɛ Se’em Baŋɛ Yelemɛŋɛrɛ Kristakɔma
    Tara Vom Somɔ Daarewoo!—Baabule Zamesegɔ N Wan Soŋɛ Hɔ
  • ‘Mɔɔla Yelesum La’
    Yuum La Pupeelum Pɛ̃ɣɛ Yehowa
Tara Vom Somɔ Daarewoo!—Baabule Zamesegɔ N Wan Soŋɛ Hɔ
lff zaseŋɔ 21
Zaseŋɔ 21. Buraa kayima n boi palɛ zuo ge nyɛ Yehowa Sɛɛradoma bayi n ze lɛm ba gɔnɔ toroko.

ZASEŊƆ 21

Sore Deni Poan Ti Ba Mɔɔla Yelesoma La?

Gɔnseko Ti Ba Printɛ
Gɔnseko Ti Ba Printɛ
Gɔnseko Ti Ba Printɛ

La kan yue Yehowa wan doose a Na’am la poan yese yelese’a woo n daani to la basɛ. Yele dena ba’ɛ ana la soŋa ti la ka nara ti tomam ma’a tara dɛ. Yezu yuun boti la a podɔleba mɔɔlɛ yelesoma wa bo nɛra woo! (Matu 28:19, 20) Yehowa Sɛɛradoma dekɛ Yezu nɔɔrɛ wa tum tuuma la wani?

1. Matu 24:14 tuni tuuma la wani zina beere wa?

Yezu yuun tɔɣɛ biŋe ti: “Ba wan mɔɔlɛ Na’am la yelesoma la tingɔŋɔ wa za’a poan.” (Matu 24:14) Yehowa Sɛɛradoma puurɛ pee mɛ ti ba laɣum tuna ninmɔ’ɔrɛ tuunɛ wa. To mɔɔli yelesoma wa la tingɔŋɔ wa za’a waabi poan ti la gaŋɛ yetɔɣum 1,000! Tuunkatɛ dena wa nari la to ãregɛ tomea ge tigesa taaba tuna. Yehowa san ka soŋɛ, to kan ta’an tum tuunɛ la.

2. To iti ania la wani mɔɔla bɔ’ɔra nɛreba?

To yeen nyɛ nɛreba zɛ’an woo to mɔɔli bɔ’ɔra ba mɛ. Wuu yuun kɔbesɛka n deŋɛ nɛŋa Kristakɔma la, to mɔɔli bɔ’ɔra nɛreba la “yire la yire poan.” (Tooma 5:42) Sarɔkuna ti to dɔla la n basɛ ti to tɔɣera bɔ’ɔra nɛreba tustusa yuunɛ woo. Nɛreba n ni ka bɔna yire saŋa ase’a la zuo, to me le mɔɔla bɔ’ɔra nɛreba zo’e zo’e mɛ yiŋa. To ni ɛɛra la yɔ’ɔ ti to tɔɣɛ Yehowa yele la a puti’irɛ bo nɛreba.

3. La dela ani zugbere yele ti a mɔɔla yelesoma la?

Yelemɛŋɛrɛ Kristakɔma za’a waabi tari la zugbere yele ti ba mɔɔla yelesoma la bɔ’ɔra nɛreba. To ka de’eni la to tuunɛ wa. To kɔ’ɔn ita la ania mɔɔla la to paŋa za’a se’ere n sɔi la, to baŋɛ ti nɛreba vom boi la dɛŋa poan. (Kaalɛ 1 Timoti 4:16.) Ba ka yɔɔri tɔ ti to tuna tuunɛ wa se’ere n sɔi la, Baabule la yeti: “Ya to’e la zaŋa, me bo ya zaŋa.” (Matu 10:7, 8) Hali nɛreba san puɣum ka kɛlesa to yetɔɣum la to sina ge mɔɔla mɛ se’ere n sɔi la, la laɣum dɛna la to pu’usegɔ la tuunɛ ge me basɛ ti Yehowa puurɛ pɛɛra.

VIISƐ PA’ASƐ

Zamesɛ baŋɛ Yehowa Sɛɛradoma n iti ania se’em mɔɔla tingɔŋɔ wa poan ge nyɛ Yehowa n soŋeri to se’em.

A. Yehowa Sɛɛradoma bayi n boi bim mɔɔla bɔ’ɔra buraa n guri a dusi kunkune zuo Costa Rica tiŋa poan. B. Yehowa Sɛɛradoma bayi n boi bim mɔɔla bɔ’ɔra zim lɔbera mɔɣerɛ nɔɔren United States tiŋa poan. D. Yehowa Sɛɛradoma bayi n boi bim mɔɔla bɔ’ɔra buraa Benin tinkpɛŋa poan. E. Mabipɔka n boi bim mɔɔla bɔ’ɔra pɔka n boi ko’om poan da’a kɔɔsera a lɔɣɔrɔ Thailand tiŋa poan. Ɛ. Yehowa Sɛɛradoma bayi n boi bim mɔɔla bɔ’ɔra pɔka n ze kugu pɛrega zɛ’an Yap tiŋa poan. F. Yehowa Sɛɛradoma bayi n boi bim mɔɔla bɔ’ɔra pɔka n boi canal, ɔɔrɔ saŋa Sweden tiŋa poan.

Preaching around the world: (A) Costa Rica, (B) United States, (D) Benin, (E) Thailand, (Ɛ) Yap, (F) Sweden

4. To tiregeri mɛ ti to paɛ nɛra woo

Yehowa Sɛɛradoma mɔɔri mɛ mɔɔla yelesoma la bɔ’ɔra nɛreba n boi zɛ’an woo. Ŋmɛ VIDIYO la ge nyaa sɔsɛ sokere wa:

VIDIYO: Mɔɔla “Teŋhe Zan’an” Poan (7:33)

  • Bem n kɛ̃ ho suure la Yehowa Sɛɛradoma n iti ania se’em mɔɔla la?

Kaalɛ Matu 22:39 la Arom 10:13-15 ge nyaa sɔsɛ sokere ana wa:

  • To na’am mɔɔlegɔ tuuma la pa’alɛ ti to nɔŋɛ nɛreba la wani?

  • La ani Yehowa la wani la sɛba n mɔɔli yelesoma la?​—Bisɛ a kaalegɔ zɛʼan 15.

5. To dela Naayinɛ tuuntuneba

Yɛla zo’e zo’e n eŋɛ pa’alɛ ti Yehowa n biseri to tuunɛ la. Makerɛ n wana, New Zealand tiŋa poan, mabia yu’urɛ n de Paul yuun seke la pɔka kayima yire la yire tuuma la poan wuntɛɛŋa. Dadendaarɛ mea nɔɔ bulika, ti pɔka la daa zusɛ Yehowa, ɛɛra ti nɛra wa’an a zɛ’an na soŋɛ en. Paul yeti, “Awa atã pooren, ti mam paɛ a kuleŋa nɔɔren.”

Kaalɛ 1 Korint 3:9 ge nyaa sɔsɛ sokere wa:

  • New Zealand tiŋa yele wa taaba pa’alɛ ti Yehowa biseri to na’am mɔɔlegɔ tuuma la, la wani?

Kaalɛ Tooma 1:8 ge nyaa sɔsɛ sokere wa:

  • Beni n sɔi ti to ɛɛra ti Yehowa soŋɛ tɔ ti to ta’an tum to na’am mɔɔlegɔ tuuma la?

Hon mi?

To bakwai tiŋasuka zamesegɔ woo poan, to nyɛti la kumesegɔ n soŋeri tɔ ti to ta’an mɔɔla. Ho san tabelɛ keŋɛ zamesegɔ wa, ho puti’irɛ dela deni la kumesegɔ wa?

Tansugere zamesegɔ poan ti mabipɔɣesi bayi bɔna bim pa’ala na’am mɔɔlegɔ sɔsega yɛla.

6. Tomam nam la Naayinɛ n bo nɔɔrɛ ti to mɔɔla la

Yuun kɔbesɛka n deŋɛ nɛŋa la poan, nɛreba yuun gu’uri Yezu podɔleba mɛ ti ba da mɔɔla. Diimi Kristakɔma yuun tiregeri mɛ ti ba nyɛ sore ta’an “tɔɣera dɔla lɔɔ poan pɔ’ɔra yelesoma la.” (Filipi 1:7) Yehowa Sɛɛradoma iti la bala mea zina wa.a

Ŋmɛ VIDIYO la.

VIDIYO: Tɔɣera Pɔ’ɔra Yelesoma La Kootin Poan (2:28)

Kaalɛ Tooma 5:27-42 ge nyaa sɔsɛ sokere wa:

  • Beni n sɔi ti to kan malum basɛ mɔɔlegɔ tuuma la?​—Bisɛ a kaalegɔ zɛ’ɛsi 29, 38 la 39.

NƐRA TA’AN SOKE YETI: “Beni n sɔi ti Yehowa Sɛɛradoma kena nɛreba yɛa poan mɔɔla?”

  • Hon wan lebese la wani?

YELEKPINE

Yezu yuun yele a podɔleba la yeti ba mɔɔlɛ yelesoma la tisi woo poan. Yehowa n soŋeri a nɛreba ti ba tuna tuunɛ wa.

Tiisegɔ Sokere

  • To mɔɔli yelesoma la tingɔŋɔ wa za’a waabi poan la wani?

  • To na’am mɔɔlegɔ tuuma la pa’alɛ ti to nɔŋɛ nɛreba la wani?

  • Hon ti’isɛ ti na’am mɔɔlegɔ tuuma la bo’ori pupeelum? Bem zuo?

Mam Boti N Eŋɛ Sɛla

Ɛ BISƐ

Bisɛ Yehowa Sɛɛradoma n mɔɔli bɔ’ɔra nɛreba se’em tinkãra poan.

Tinkãtɛ Poan Na’am Mɔɔlegɔ N Boi De To’ore Paris Tiŋa (5:11)

Yehowa Sɛɛradoma iti la wani paara sɛba n zɔ ta kɛ̃’ɛra tisi ase’a la?

Soŋera Nɛresɛba N Zɔ Loŋe Tiŋa Ti Ba Nyɛta Baabule Paʼalegɔ (5:59)

Homea kɔ’ɔn bisɛ nɛra n dekɛ amea kɛ̃’ɛsɛ tɛm woo na’am tuuma la poan n nyɛ pupeelum se’em.

Mam Puurɛ Pee Mɛ La Tuundena Wa (6:29)

Zamesɛ baŋɛ to di buurɔ kootin yɛla zo’e zo’e poan se’em ta’an mɔɔla yelesoma la.

“Na’am Mɔɔlegɔdoma Tari Ba Yele La Zom La Kootin” (Naayinɛ Na’am N Biseri!, a zuo 13)

a Naayinɛ n bo to sarɔɔ ti to tuna to na’am mɔɔlegɔ tuuma la, bala la Yehowa Sɛɛradoma ka eeri ti kpɛ’ɛndoma bo ba sore ti ba mɔɔla yelesoma la.

    Frafra Gɔnɔ (2000-2025)
    Yese
    Yu'ɛ
    • Farefare
    • Tɔ̃rɛ
    • Hon boti sɛla
    • Copyright © 2025 Watch Tower Bible and Tract Society of Pennsylvania
    • Yelese'a N Nari Ti Ho Mina
    • Suɣelum Yɛla
    • Privacy Settings
    • JW.ORG
    • Yu'ɛ
    Tɔ̃rɛ