Hon Maasum Ti Ho Muse Ko’om?

Ho zamesɛ Yehowa yɛla zo’e zo’e mɛ ho Baabule zamesegɔ la poan. Daanse’ere ho eŋɛ la teere ti ho ta’an dekɛ hon zamesɛ sɛla la tum tuuma. Ge sɛla ta’an kelum gu’ura ho mɛ ti ho ka kã homea bo Yehowa ge muse ko’om. Zaseŋɔ wa wan pa’alɛ yelese’a n wan ta’an gu ho ti ho kan muse ko’om la hon wan eŋɛ se’em ta’an nyaŋɛ yɛla wa.

1. Nɛra nari ti a mina paɛ la wani ge muse ko’om?

Ho san bɔta ho muse ko’om, la nari ti ho baŋɛ “yelemɛŋɛrɛ mi’ilum la.” (1 Timoti 2:4) Wana ka pa’alɛ ti ho mina Baabule la za’a ge nyaa muse ko’om. Hali Kristakɔma n muse ko’om ti la yue, kelum zamesa mɛ. (Kolose 1:9, 10) Ge la nari ti ho bɔkɛ yelekpina la n boi Baabule la poan la. Tansugere keendoma la wan soŋɛ hɔ ti ho baŋɛ nyaa ho mi yɛla zo’e.

2. Bem yɛla n nari ti ho eŋɛ ge nyaa ta’an muse ko’om?

Ge ti ho nyaa muse ko’om, la nari ti ho “basɛ [ho] be’em ge ŋmɛregɛ [homea].” (Kaalɛ Tooma 3:19.) Wana wa vuurɛ dela ho suure ni sa’am mɛ la yelebe’ero la ti ho tum la ge me ni zusɛ Yehowa ti a di sugeri bo ho. Ho me ni kɔ’ɔn basɛ sarum be’ero mɛ ge lu ho suure ti ho ita sɛla n wan pee Naayinɛ puurɛ. Leyɛ’ɛsa, ho ni pɔsɛ tuna tansugere la tuuma mɛ doose la hon keni zamesegɔ ge me dɛna na’am mɔɔlegɔdaana n ka muse ko’om la.

3. Beni n sɔi ti la ka nara ti ho basɛ ti dabeem gu ho?

Nɛreba basɛba zoti la dabeem ti bamam kan nyaŋɛ eŋɛ sɛla ti bamam pɔ ti ba eŋɛ bo Yehowa la. Yelemɛŋɛrɛ la dela, saŋa ase’a, ho wan tue wuu sakerɛ nɛreba n yuun tue se’em Baabule saŋa la. Ge Yehowa ka bisɛ ti a yamesi la nari ti ba ana kasi. (Kaalɛ Yooma 103:13, 14.) A puurɛ wan pee ho san tiregera! A wan soŋɛ hɔ. Yehowa yeti sɛla ka boi n wan “ta’an basɛ ti Naayinɛ kan nɔŋɛ tɔ.”​—Kaalɛ Arom 8:38, 39.

VIISƐ PA’ASƐ

4. Baŋɛ Yehowa soŋa soŋa

Ho nari ti ho mina Yehowa paɛ la wani ge muse ko’om? La nari ti ho baŋɛ en soŋa soŋa ta’an nɔŋɛ en ge bɔta ho ita sɛla n wan pee a puurɛ. Ŋmɛ VIDIYO la bisɛ Baabule zamesegɔdoma n boi tingɔŋɔ wa zɛ’an woo n nyaŋɛ eŋɛ bala se’em ge nyaa sɔsɛ sokere wa:

VIDIYO: Hon Wan Maasum Se’em Ta’an Muse Ko’om (3:56)

• Vidiyo la poan la, bem n soŋɛ nɛreba basɛba ti ba ta’an maasum muse ko’om?

Kaalɛ Arom 12:2 ge nyaa sɔsɛ sokere ana wa:

• Hon ni tara la puti’ira ayi ayi la Baabule la n pa’alɛ sɛla la bii hon ni bu’ura mɛ ti Yehowa Sɛɛradoma n pa’ali yelemɛŋɛrɛ la?

• La san dɛna bala, la nari ti ho eŋɛ la bem?

5. Nyaŋɛ yelese’a n wan ta’an gu ho ti ho kan muse ko’om

To san loe ti to kã tomesi bo Yehowa ge muse ko’om, yeledaaŋɔ wan paɛ tɔ. Ho san ɛɛra ho baŋɛ yele ana wa taaba, ŋmɛ VIDIYO la ge nyaa sɔsɛ sokere ana wa:

VIDIYO: To San Nɔŋɛ Yehowa, To Nyaŋeri Yeledaaŋɔ Mɛ (5:22)

• Vidiyo la poan la, bem yeledaaŋɔ ti Narangerel daa nyaŋɛ ge ta’an pu’usɛ Yehowa?

• Eŋa n nɔŋɛ Yehowa la daa soŋɛ en la wani ti a nyaŋɛ yeledaaŋɔ la?

Kaalɛ Magaha 29:25 la 2 Timoti 1:7 ge nyaa sɔsɛ sokere wa:

• Bem n bo’ori to sukpe’ene ti to nyaŋera yeledaaŋɔ?

6. Tara sakerɛ ti Yehowa wan soŋɛ hɔ

Yehowa wan soŋɛ hɔ ti ho eŋɛ sɛla n wan pee a puurɛ. Ŋmɛ VIDIYO la ge nyaa sɔsɛ sokere ana wa:

VIDIYO: Yehowa Naayinɛ Wan Soŋɛ Hɔ (2:50)

• Vidiyo la poan, bem n basɛ ti Baabule zamesegɔdaana la ka bɔta ti a muse ko’om?

• A yuun zamesɛ la bem ti la soŋɛ en ti a malum dekɛ amea delum Yehowa?

Kaalɛ Isaiah 41:10, 13 ge nyaa sɔsɛ sokere wa:

• Beni n sɔi ti hon tara sakerɛ ti ho wan ta’an eŋɛ hon kã homea ti ho eŋɛ sɛla la?

7. Basɛ ti ho puurɛ pee paa la Yehowa n nɔŋɛ ho la

Ho san ni ti’isa Yehowa n nɔŋɛ ho se’em la, ho puurɛ wan pee la en ge ti ho bɔta ti ho pu’usa en daarewoo. Kaalɛ Yooma 40:5 ge nyaa sɔsɛ sokere wa:

• Yehowa kã’a ani ti hon puurɛ ba’ɛ pee la a?

Nɔdɛ’ɛsa Yeremia yuun nɔŋɛ Yehowa mɛ la a yetɔɣum la ge ti a puurɛ yuun pee la yɔsɛka ti a nyɛ ti a tɔɣera Yehowa yɛla. A yuun yeti: “Ho yelesum la daa basɛ ti mam puurɛ pee ge ti n nyɛɛna n suuren se’ere n sɔi la ba tari la ho yu’urɛ la yi’ira mam, O Yehowa . . . Naayinɛ.” (Yeremia 15:16) Lebese sokere ana wa:

• Beni n sɔi ti la dɛna yɔ’ɔ n boi de to’ore ti ho dɛna Yehowa Sɛɛradoma ayima?

• Hon wan bɔta ti ho muse ko’om dɛna Yehowa Sɛɛradoma ayima?

• Sɛla gu’uri ho ti ho eŋɛ bala?

• Hon ti’isɛ ti la nari ti ho eŋɛ la bem ge ta’an muse ko’om?

YELEKPINE

Yehowa wan soŋɛ hɔ ti ho nyaŋɛ yelese’a woo n gu’uri ho ti ho da muse ko’om la.

Tiisegɔ Sokere

• Ho nari ti ho mina Baabule la paɛ la wani ge muse ko’om?

• Bem teere ti la nara ti ho eŋɛ ge nyaa ta’an muse ko’om?

• Beni n sɔi ti la ka nara ti ho basɛ ti dabeem gu ho?

Ɛ BISƐ

Ti’isɛ bisɛ sɛla n sɔi ti ho kɔ’ɛ ho puti’irɛ ti ho muse ko’om.

“Hon Maasum Ti Ho Muse Ko’om?” (The Watchtower, March 2020)

Zamesɛ baŋɛ hon wan eŋɛ se’em ta’an baŋɛ yelese’a wana mɔpi n gu’uri ho ti ho kan ta’an muse ko’om.

“Bem N Gu’uri Mam Ti N Ka Ta’an Muse Ko’om?” (The Watchtower, March 2019)

Bisɛ buraa ayima n yuun nyaŋɛ yeledaaŋɔ se’a n paari en la ge ta’an muse ko’om.

‘Beni N Sɔi Ti Ho Gu’una Ti Ho Muse Ko’om?’ (1:10)

Yia la, buraa ayima yu’urɛ n de Ataa yuun gu’uni mɛ ti a muse ko’om. Bisɛ sɛla n soŋɛ en ti a sakɛ tum ninmɔ’ɔrɛ yele wa.

Mam Nari Yelesonɛ Wa? (7:21)