A Yuun Ka Ti’iseri Ti A Lebe

SARAH yuun ele la Abraham n de burasɛka ti a nɔŋɛ la. Ba yuun kɛ̃’ɛri la Ur n boi Sinar tiŋa. Ku yuun dela tinkãtɛ ti ba mɛ lalega kaɛ ti ku lɛm Eufrates Kulekãtɛ la nɔɔrɛ. Nɛresɛba n yuun boi tiŋa wa poan la yuun ba’ɛ kãabera la baɣa ge Abraham yuun ka iti bala. A yuun pu’useri la yelemɛŋɛrɛ Naayinɛ n de Yehowa la ma’a. Sarah me yuun tari sakerɛ bɔ’ɔra Yehowa mɛ ge daarɛ deyima, yele n yuun eŋɛ ti la nara ti Sarah eŋɛ pa’alɛ ti a sirum tari sakerɛ, la sukpe’ene.

Abraham yuun yele Sarah yeti Yehowa n tɔɣɛ bo eŋa! To mi ti Sarah puurɛ yuun pee mɛ. Ge Yehowa n yele ba ti ba eŋɛ sɛla la yuun kpe’em mɛ. A yuun yeti ba basɛ ba yire, la ba yidoma n boi Ur tiŋa ge nɔɣɛ keŋɛ zɛ’an n zaaɛ. Ba me kan ta’an kena kalam kalam ge me wan kɛ̃’ɛra la tɛnti deto poan. Ba kan le kɛ̃’ɛra tinsɛka ti ba mɛ lalega kaɛ ka ti gu’ureba bɔna bim la. Leyɛ’ɛsa, ba kan le kɛ̃’ɛra yikãtɛ poan ti pɔmpi ko’om bɔna bim bii ba nyɛta yelese’a n wan basɛ ti ba vom ana lumta. Ba me yuun kan ta’an le kena da’a da’ara dia bii lɔɣɔrɔ ase’a! Yele ana za’a wan basɛ ti la kpe’em bo ba. Ge Sarah yuun sakɛ mɛ keŋɛ. A yuun dekɛ amea delum la Yehowa, maasum a lɔɣɔrɔ ge keese a yidoma, la a zɔdoma. A yuun naɛ la Abraham keŋɛ tinsɛka ti a ka mina.

Sarah yuun le eŋɛ la sɛla n pa’alɛ ti a tari la sukpe’ene. Tuntuna Paul yuun tɔɣɛ eŋa la a sira yele yeti: ‘Ba yuun san kelum ti’isa tinsɛka ti ba basɛ bim la yele, ba wan eeri ni yɔ’ɔ ti ba lebe.’ (Heb. 11:​15, NWT) Sarah yuun ta’an ti’isa ba yuun kɛ̃’ɛri yisɛka poan Ur tiŋa ti daaŋɔ ka paara ba la yele. Ge a yuun kɔ’ɛ la a puti’irɛ ti a kan ti’isa yele aŋa.

Pooren, ba yuun ta paɛ Kanaan tiŋa mɛ. Sarah yuun baŋɛ ti Kulekãtɛ ka boi bim ana wuu Eufrates la ti leebedoma wan tara lɔɣɔrɔ dɔla bim kɔɔsa. Bala la, se’em ma’a ti kom yuun ta bɔna Kanaan tiŋa la, ba yuun kan ta’an eŋɛ sɛsɛla gana ba nɔɣɛ keŋɛ zɛ’an. Yele wa yuun kpe’em bo ba mɛ ge Sarah yuun ka pɛ̃regɛ a sira ti ba lebe Ur tiŋa. A yuun tuɣum sakɛ mɛ naɛ la Abraham keŋɛ Egypt tiŋa.

Sarah n yuun ba’ɛ som se’em la zuo, dabeem n yuun tari Abraham ti nɛra ta’an ku en ge dekɛ a pɔɣa la. Abraham yuun yele Sarah ti a ita amea wuu a dela eŋa tã. Ge Egypt naba Faro n yuun ta wum ti Sarah som me la, yele n yuun paɛ Abraham la Sarah. Faro yuun bo nɔɔrɛ ti ba keŋɛ ta tari Sarah, Abraham zɛ’an na bo eŋa ti a kɛ̃’ɛra eŋa nayire la poan. Nɛra san kɛ̃’ɛra nayire poan, daaŋɔ ni ka ba’ɛ paara en. A vom me wan ana lumta gana se’em n eeri kɛ̃’ɛra tɛnti deto poan. Ge Sarah yuun ka ti’isɛ ti a basɛ Abraham ge keŋɛ ta kɛ̃’ɛra Faro zɛ’an ti la ana en lumta. A yuun tari la sukpe’ene ge me yuun tara yelemɛŋɛrɛ bɔ’ɔra a sira. Bala n sɔi ti Yehowa yuun faaɛ en basɛ! La yuun ka yue ti a yuun le naɛ la a sira Abraham bɔna.a

Yehowa yuun pu’ulum biŋe ti Abraham buuri wan lebege tinkãtɛ. Ge Sarah yuun nan ka dɔɣɛ bia. Yele wa yuun daani en mɛ. Ge yuuma zo’e zo’e pooren, Yehowa yuun kã bo Sarah mɛ Kanaan tiŋa. La boi bim ti Sarah yuun dela yuun 90 ge Yehowa yuun eŋɛ la sɛla ti a bɔta la bo en. A yuun basɛ ti Sarah dɔɣɛ la budibila! Yehowa yuun yeti ba siɣɛ bia la yu’urɛ Isaak, ti la vuurɛ dɛna ‘Yelɔ’ɔrɔ.’ Yu’urɛ wa yuun kɔ’ɔn nara mɛ sɛla n sɔi la, se’em ma’a ti Abraham la Sarah yuun wum ti ba wan dɔɣɛ budibila la, ba puurɛ n yuun pee ti ba la’ara. Sarah yuun mi ti nɛreba puurɛ wan pee ti ba la’ara, ba san wum ti Yehowa n tum yelekirega ti a dɔɣɛ bia.

Sarah yuun vɔi yue mɛ ta’an uge a bia la ti a ta dɛna buraa n nɔŋɛ Yehowa. Sarah n yuun nɔŋɛ a bia la se’em la n sɔi ti a yuun nyaŋɛ eŋɛ bala. A me yuun tari la sukpe’ene. Bala n yuun soŋɛ en ti a ta’an te’ele a bia la, se’em ma’a ti ba yuun ɛ̃regera ge mugesa a bia la. A yuun ka makɛ ti’isɛ ti a lebe Ur tiŋa ta paɛ a kum. A yuun tuɣum ti’isa la beere sa’am n wan ta ana se’em. Sarah la a deodoma yuun ka nyɛ Yehowa pu’ulumbiŋ’a ase’a n wan tum beere sa’am la ge to mi ti ba wan tum tuuma!

Kaalɛ Baabule zɛ’ɛsi wa:

• Pin’ileŋɔ 12:​1-20; 15:18; 16:​1, 2; 17:​3-8, 15-19; 18:​9-15; 20:​1-17; 21:​1-13

• Tooma 7:​1-7

Sɔsɛ ya sokere wa:

Sarah yuun eŋɛ la wani pa’alɛ ti a tari sukpe’ene?

Viisɛ Pa’asɛ

1. 1. Sarah yuun dela Abraham tã. Bala la, la yuun dela be’em la eŋa n ele Abraham la yoi? (wp17.3-E 12 ¶5, tiŋanɔɔrɛ yelesum)

   Lebese

2. 2. Tɔɣɛ pa’alɛ yelese’a ti Sarah yuun basɛ Ur tiŋa ge keŋɛ. (wp17.3-E 13 ¶3–14 ¶2) Bisɛ foote A

   Lebese

   

   Photograph taken by courtesy of the British Museum

3. 3. To eŋɛ la wani baŋɛ ti yɛm boi bim la Abraham n yuun ka basɛ ti nɛreba basɛba baŋɛ ti Sarah dela a pɔɣa la? (wp17.3-E 14 ¶6–15 ¶2)

   Lebese

4. 4. La boi bim ti Sarah yuun siregeri la amea bɔ’ɔra Abraham ge bala pa’alɛ ti a yuun ni ka tɔɣɛ a puti’irɛ n de sɛla? Tɔɣɛ pa’alɛ. (g-E 1/08 29 ¶4-5) Bisɛ foote B

   Lebese

   

Ti’isɛ Hon Wan Dekɛ Tum Tuuma Se’em

• Dekɛ Sarah makɛ la Lot pɔɣa.

  • Ba yuun eŋɛ la bem ti la wɔ̃na taaba? (Pin. 12:1; 13:​5-7; 19:​12, 15)

    Lebese

  • Ba yuun eŋɛ la bem ti la bɔna to’ore to’ore? (Pin. 19:​17, 26; Lu. 17:​28-32)

    Lebese

  • To wan ta’an zamesɛ la bem la bamam n yuun kɔ’ɛ ba puti’irɛ se’em ti yelese’a paɛ ba la?

    Lebese

• Sarah yuun som mɛ paa ti a sira me yuun dɛna buntata. To wan ta’an zamesɛ la bem Sarah zɛ’an, to san som bii to dela buntateba? (Mag. 31:30; 1 Tim. 6:​17-19)

  Lebese

• Ho wan eŋɛ la wani ta’an tɔɣesa Sarah sukpe’ene la? Bisɛ foote D

  Lebese

  

Ti’isɛ Taɣesɛ Yehowa Yele

• Sarah yele wa pa’alɛ mam ti Yehowa ani la wani?

  Lebese

• Sarah yele wa makɛ la Yehowa puti’irɛ la wani?

  Lebese

• Yehowa san ta isige Sarah kum poan, mam wan soke en la bem?

  Lebese

Zamesɛ Yɛla Pa’asɛ

Pɔɣeba ma’a n wan ta’an tɔɣesɛ Sarah makesonɛ la? Sireba me wan ta’an tɔɣesa en la wani?

Tɔɣesa Ba—Sarah (6:27)

Geele Sarah la Abraham n yuun bo’ori taaba gilema se’em la bisɛ.

“Basɛ Ti ‘Yehowa Bugum Zɛleŋa La’ Dita” (w23.05 24-25 ¶15-17)