Kɔa Yetɔɣum—To Wan Dekɛ Tum Tuuma Se’em
1. Bem lɔkɔ n pa’asɛ to gɔnɔ la poan ti la dɛna nyuurɔ bo to?
1 Nɛreba zo’e zo’e tari jw.org kaala mɛ baŋera yelemɛŋɛrɛ la. (Pa’a. 12:10) Hon tabelɛ dekɛ kɔa yetɔɣum la tum tuuma? Bala basɛ ti to ta’an kɛlesera la yɛla zo’e zo’e to intanɛt tuuma zɛ’an la. Kɔa yetɔɣum tari nyuurɔ bɔ’ɔra to la wani wani?
2. To wan ta’an dekɛ kɔa yetɔɣum eŋɛ tomea bii to deodoma zamesegɔ la wani wani?
2 Tomea Bii To Deodoma Zamesegɔ: To san kɛlesa Baabule kɔa yetɔɣum, magazines bii gɔnɔ to san yɛ sore bii to iti la sɛla, la wan soŋɛ tɔ ti to dekɛ to saŋa la tum soŋa. (Epe. 5:15, 16) To ta’an dekɛ yɛla tɔka tɔka laɣum pa’asɛ to deodoma zamesegɔ poan yele yele wuu to san ni ŋmɛ kɔa yetɔɣum kɛlesa ge zãla gɔŋɔ la me bisa. To san tara kɔa yetɔɣum ita tomea zamesegɔ la wan soŋɛ tɔ yele yele wuu to san bɔta ti to mina kaalegɔ soŋa bii to san zamesa yetɔɣum.
3. To gingilega la poan, ani ti to wan ta’an dekɛ kɔa yetɔɣum la soŋɛ en?
3 Na’am Mɔɔlegɔ Poan: Sɛba n boi to gingilega wa poan ni yɛta yeti ba ka tari nɛŋa n wan kaalɛ la, ta’an bɔta ti ba kelese kɔa yetɔɣum. Bii ho ta’an ta tu’usɛ mina n ka tɔɣeri ho teŋa yetɔɣum na’am mɔɔlegɔ poan ge bɔta ti a kelese Na’am yelesoma la “a teŋa yetɔɣum” poan. (Tooma 2:6-8) Kelesego dela ninmɔ’ɔrɛ yele tisi sisesi poan. Makerɛ n wana, Hmong teŋa malema poan, nɛreba ni tɔɣera daami yɛla pa’ala ba kɔma mɛ, ti ba me mɔɔra ka tamina yɛla la. Africa tisi zo’e zo’e malema poan, ba nɔŋɛ la sɔlema kelesego.
4. To wan soke tomea la wani wani ge ta’an soŋɛ nɛreba to gingilega la poan?
4 Ho gingilega la poan, la wan ana soŋa ti ho ŋmɛ kɔa yetɔɣum bo yidaana la? To san dekɛ kɔa yetɔɣum doose e-mail poan bo nɛra, la wan tara nyuurɔ bɔ’ɔra en? To wan bɔta ti to yese kɔa yetɔɣum eŋɛ CD poan nyaa dekɛ gɔŋɔ la pa’asɛ bo mina n boti yelemɛŋɛrɛ la? To san dekɛ electronic gɔŋɔ, gɔnlɛmlɛm, magazine bii gɔnpiɣesi bo nɛra na’am mɔɔlegɔ poan, to gulesɛ pa’asɛ to ŋmarega kãlɛ la poan. Ba maalɛ kɔa yetɔɣum la bo to mɛ ti to ta’an dekɛ ita tomea zamesegɔ ge buta Na’am yelemɛŋɛrɛ la.—1 Kor. 3:6.