Sɛla N Wan Soŋɛ Hɔ Ti Ho Ta’an Kaala Baabule La Daarewoo

To za’a n ka tari nɛŋa la zuo, saŋa ase’a la ni kpe’em bo ho mɛ ti ho ta’an kaala Baabule la daarewoo? (Yos. 1:8) La san dɛna bala, tiregɛ eŋɛ yele ana wa bisɛ:

• Gulesɛ sɛla eŋɛ ho fon poan ti la tiisa hɔ. Sɛtɛ alarm eŋɛ ho fon poan ti la ni tiɛ hɔ ti ho kaalɛ Baabule la.

• Basɛ ti ho Baabule la gã’a zɛsɛka ti ho wan nyɛta. Ho san ni kaala la Baabule sɛka ti ba printɛ, dekɛ ku biŋe zɛsɛka ti ho wan nyɛta ku daarewoo.—Tɛɛ. 11:18.

• Kɛlesa kɔ̃a Baabule kaalegɔ. Ho san tuna ho dabeserɛ la poan tuuma, ni kɛlesa kɔ̃a Baabule kaalegɔ la. Mabipɔka Tara dela sore ŋmɛ’adaana ge me dɛna ma n tuni yu’uŋɔ. A yeti, “Mam n ni bɔna yire tuna n tuuma ge kɛlesa kɔ̃a Baabule kaalegɔ la soŋeri mam mɛ ti mam ta’an kaala Baabule la daarewoo.”

• Kɔ’ɔn tiregera. Sɛla san eŋɛ ti ho ka ta’an kaalɛ Baabule la sansɛka ti ho ni kaala la, ni tiregɛ kaalɛ zɛ’ɛsi fii wa ge nyaa gã’arɛ. Ho san puɣum kaalɛ zɛ’ɛsi fii wa, ho wan kelum nyɛ nyuurɔ.—1 Pe. 2:2.